Kryšcijanu Ranałdu moža viarnucca ŭ top-čempijanat
U futbaliście zacikaŭleny levierkuzienski «Bajer», jaki vyjhraŭ čempijanat Hiermanii, nie paciarpieŭšy ŭ im nivodnaj parazy ŭ siezonie 2023-2024.
24.05.2024 / 08:54
Kryšcijanu Ranałdu. Fota: Armando Franca / AP
Zaprasić futbalista choča asabista trenier Chabi Ałonsa. Ispaniec upeŭnieny, što daśviedčany Ranałdu dapamoža «Bajeru» ŭ Bundeślizie i Lizie čempijonaŭ, piša Championat.com.
Kryšcijanu Ranałdu pierajšoŭ u «Al-Nasr» na pravach svabodnaha ahienta ŭ studzieni 2023 hoda.
U hetym siezonie partuhalec uziaŭ udzieł u 42 matčach va ŭsich turnirach, u jakich adznačyŭsia 42 hałami i 12 vynikovymi pieradačami.
Pavodle infarmacyi, pradstaŭlenaj na partale Transfermarkt, rynkavy košt futbalista składaje € 15 młn.
Taksama Kryšcijanu dniami vyklikali ŭ zbornuju Partuhalii dla ŭdziełu ŭ čempijanacie Jeŭropie pa futbole. Heta budzie šosty dla jaho čempijanat kantynienta, što źjaŭlajecca rekordam. Partuhalija trapiła ŭ adnu hrupu z Turcyjaj, Hruzijaj i Čechijaj.
Upieršyniu Ranałdu paŭdzielničaŭ u Jeŭra ŭ 2004 hodzie, jaki prajšoŭ tady na jaho radzimie.
U Jeŭropie jon hulaŭ za «Sportynh», dvojčy za «Mančester Junajted», «Reał» i «Juvientus».
39-hadovy Kryšcijanu Ranałdu za 2023 hod zabiŭ bolš za ŭsich hałoŭ u śviecie — 54!
Levierkuzenski «Bajer» urešcie prajhraŭ — paśla rekordnaj sieryi z 51 matča
«Bajer» ź Levierkuzena ŭpieršyniu ŭ svajoj historyi staŭ čempijonam Hiermanii pa futbole