Usie vybarčyja śpisy ŭ Kaardynacyjnuju radu abjavili «ekstremisckimi farmavańniami»
Kamitet dziaržaŭnaj biaśpieki 8 traŭnia pryznaŭ jašče siem kaalicyj kandydataŭ, jakija bałatujucca ŭ kaardynacyjnuju radu, «ekstremisckimi farmavańniami». Heta vynikaje z abnoŭlenaha 16 traŭnia śpisu na sajcie MUS.
16.05.2024 / 22:17
Fota: Kaardynacyjnaja rada
«Ekstremisckimi farmavańniami» abjavili kaalicyi «Chopić bajacca», «Naša sprava», abjadnańnie palityčnych partyj «Narodnaja hramada» i «Biełaruskaja chryścijanskaja demakratyja «Salidarnaść», ruchi «Kraina dla žyćcia», «Niezaležnyja biełarusy», «Hołas dyjaspar — Adzinstva pa-nad miežami», «Błok Prakopjeva-Jahorava».
U adpaviednym śpisie pieraličana bolš za 120 čałaviek, jakija majuć dačynieńnie da vyšejpieraličanych inicyjatyŭ.
Inšym piaci śpisam taki samy status byŭ prysvojeny krychu raniej. Takim čynam, usie 12 kaalicyj kandydataŭ na vybary ŭ treci skład Kaardynacyjnaj rady ciapier pryznanyja «ekstremisckimi farmavańniami».
Vybarčy śpis Łatuški ŭ KR abvieścili «ekstremisckim farmavańniem»
Łatuška zaklikaŭ Cichanoŭskuju padtrymać vybary ŭ Kaardynacyjnuju radu