Katalickich śviataroŭ u Šumilinie zatrymali nibyta za «dyviersijnuju dziejnaść na škodu biełaruskaj dziaržavie»
Kiraŭnictva misijanieraŭ abłataŭ apublikavała aficyjnuju zajavu z nahody zatrymańnia ajcoŭ Andžeja Juchnieviča i Paŭła Lemiecha.
10.05.2024 / 10:37
Aryštavanyja śviatary čakajuć suda. Pa infarmacyi «Chryścijanskaj vizii», pasiedžańnie adbudziecca siońnia ŭ Viciebsku.
Presavy sakratar polskaj pravincyi misijanieraŭ-abłataŭ, ajciec Pavieł Hamulak, paviedamlaje što pryčynaj zatrymańnia stała «dywersyjna działalność». Hety termin možna pierakłaści z polskaj jak niepasredna dyviersijnaja dziejnaść, ale taksama i «padryŭnaja» ci «ekstremisckaja».
Misijaniery-abłaty źjaŭlajucca pavažanym katalickim ordenam z dvuchsothadovaj historyjaj. Siońnia ŭ śviecie pracujuć kala 3500 abłataŭ na ŭsich kantynientach. Siarod abłataŭ jość 2 kardynały, 7 arcybiskupaŭ i 36 biskupaŭ.
Raniej paviedamlałasia, što zatrymańnie adbyłosia paśla sustrečy śviataroŭ i kansekravanych asobaŭ Viciebskaj dyjacezii ŭ Šumilinie.
U Šumilinie zatrymali dvuch katalickich klirykaŭ
Rabotnika kafiedralnaha kaścioła Uładzisłava Bieładzieda prysudzili da troch hadoŭ kałonii