Zialenski: Vajennaja dapamoha ZŠA ŭžo pačała pastupać
Dapamoha z pryniataha Kanhresam ZŠA vajennaha pakieta pačała pastupać va Ukrainu, paviedamiŭ prezident Zialenski na sumiesnym bryfinhu z hienieralnym sakratarom NATA Jensam Stołtenbierham, jaki pryjechaŭ siońnia ŭ Kijeŭ.
29.04.2024 / 16:03
Jens Stołtenbierh i Uładzimir Zialenski ŭ Kijevie 29 krasavika 2024 hoda. Fota: president.gov.ua
«Niešta ŭžo pačało pastupać, u detalach nie budu kazać, što kankretna. Na žal, pakul nie ŭsio dla taho, kab napoŭnić našu armiju i ŭkamplektavać adpaviednuju kolkaść bryhad», — cytuje Zialenskaha Bi-bi-si.
Situacyja na poli boju napramuju zaležyć ad chutkaści pastavak bojeprypasaŭ va Ukrainu, adznačyŭ Zialenski.
«Što da dakumientaŭ pa harantyjach biaśpieki, jany nam sapraŭdy vielmi mocna dapamahli. Asabliva dapamahli ŭ toj čas, kali my čakali padtrymki ad Złučanych Štataŭ Amieryki. Ja dumaju, što vy razumiejecie košt supraćpavietranaj abarony. Na praciahu apošnich šaści miesiacaŭ sistemy abo časam i detali ad adpaviednych sistem pastupali dziakujučy finansavańniu, jakoje było praduhledžana dzieviaćciu pahadnieńniami ab harantyjach biaśpieki», — dadaŭ Zialenski.
Ukraina płanuje pačać kontrnastup u 2025 hodzie, kali «pratrymajecca» ŭ 2024 hodzie
Časaŭ Jar. Čamu rasijanam tak važna zachapić hety horad
Zialenski nazvaŭ prymityŭnymi idei Trampa ab zdačy terytoryj u abmien na spynieńnie vajny