U NATA niama płanaŭ dadatkova raźmiaščać jadziernuju zbroju ŭ krainach aljansu — Stołtenbierh
Hienieralny sakratar NATA Jens Stołtenbierh zajaviŭ, što aljans nie płanuje pašyrać prahramu raźmiaščeńnia jadziernaj zbroi. Pra heta jon skazaŭ 23 krasavika na sumiesnaj pres-kanfierencyi z premjer-ministram Vialikabrytanii Ryšy Sunakam u Varšavie.
23.04.2024 / 20:48
Jens Stołtenbierh. Fota: Getty Image
«Nie, u nas niama płanaŭ pašyrać prahramu NATA pa sumiesnym vykarystańni jadziernaj zbroi. U nas niama płanaŭ raźmiaščać bolš jadziernaj zbroi ŭ jakich-niebudź krainach», — zajaviŭ Stołtenbierh.
Zajavu Stołtenbierha možna ŭsprymać jak adkaz na raniejšaje vykazvańnie prezidenta Polščy Andžeja Dudy, što Polšča hatovaja raźmiaścić u siabie jadziernuju zbroju ŭ ramkach prahramy aljansu Nuclear Sharing.
«Ja ŭžo havaryŭ na hetuju temu niekalki razoŭ. Pryznajusia, što kali mianie pra heta spytali, ja zajaviŭ ab našaj hatoŭnaści. Rasija ŭsio bolš militaryzuje Kalininhradskuju vobłaść. Niadaŭna jana pierakinuła svaju jadziernuju zbroju ŭ Biełaruś.
Kali b było rašeńnie našych sajuźnikaŭ, kab raźmiaścić jadziernuju zbroju ŭ ramkach Nuclear Sharing i na našaj terytoryi, kab uzmacnić biaśpieku ŭschodniaha fłanhu NATA, to my hatovy na heta. My zjaŭlajemsia sajuźnikam u Paŭnočnaatłantyčnym aljansie i ŭ nas taksama jość abaviazacielstvy ŭ hetym płanie, heta značyć my prosta realizujem ahulnuju palityku», — adkazaŭ polski prezident na pytańnie, zadadzienaje jamu vydańniem Fakt.
Piaskoŭ: Pry realizacyi płanaŭ Polščy ab jadziernaj zbroi budzie dadzieny adkaz
Duda zajaviŭ pra hatoŭnaść Polščy raźmiaścić u siabie jadziernuju zbroju