U Brazilii vyjšła knižka ab pryhodach dziaŭčynki ź Biełarusi
Bujnaja brazilskaja hazieta ŭklučyła knihu ŭ top-15 knih, jakija varta pračytać u hetym hodzie.
20.04.2024 / 07:36
Kniha i jaje stvaralniki. Foto: sacsietki Žaze Karłasa Łoła
Brazilskaja piśmieńnica Błandzina Franka napisała knihu dla dziaciej pad nazvaj «Dziaŭčynka ź Biełarusi», jakuju prailustravaŭ mastak Žaze Karłas Łoła, piša sajt «Biełaruś i śviet».
Tomik u miakkaj vokładcy abjomam 96 staronak sa šmatlikimi akvarelnymi malunkami vyjšaŭ u vydaviectvie Camaleao, hrupa Alta Books Grupo Editorial, u Rya-de-Žaniejra ŭ červieni 2023 hoda.
U knizie apaviadajecca pra dziaŭčynku, jakaja žyvie ŭ prybiarežnym miastečku biez mamy, taty, bratoŭ i siaścior, ale z babulaj, ślapoj na adno voka, łaskaj, a taksama tryma kotkami, siamiu myšami i pudziłam kačkanosa.
Žyćcio hieraini zdajecca joj ničym nie charakternym, ale adnojčy ŭ ich dźviery hrukajecca zahadkavy mužčyna, i z hetaha momantu dziaŭčynka adpraŭlajecca ŭ fantastyčnaje i poŭnaje tajamnic padarožža.
Aŭtar vybudavała zachaplalnuju siužetnuju liniju, u jakoj šmat zahadak, adkazy na jakija maleńkija čytačy atrymlivajuć u kožnym nastupnym raździele.
U studzieni bujnaja brazilskaja hazieta Folha de S. Paulo źmiaściła knihu ŭ lik piatnaccaci vydańniaŭ dla dziaciej, jakija varta pračytać u 2024 hodzie.
Vyjšła fotakniha pra połk Kalinoŭskaha, nabyć možna za danat
Vyjšła hruntoŭnaje vydańnie «Bieł-čyrvona-bieły. Ściah — nacyja — identyčnaść»
Raman, dziejańnie jakoha adbyvajecca ŭ Biełaviežskaj puščy, staŭ padziejaj u ZŠA