Украінскае камандаванне паведаміла пра пагаршэнне сітуацыі на фронце на ўсходзе краіны
Расійская армія захапіла некалькі населеных пунктаў цягам апошніх дзён.
13.04.2024 / 13:28
Руіны Кляшчэеўкі. Фота: Alex Babenko / AP
Галоўнакамандуючы УСУ Аляксандр Сырскі заявіў, што «за апошнія дні абстаноўка на ўсходнім фронце значна пагоршылася», піша Bild.
Паводле яго слоў, пасля прэзідэнцкай кампаніі расійскае войска «значна актывізавала» свае наступальныя дзеянні. У адказ УСУ збіраецца ўмацаваць найбольш праблемныя зоны абароны сродкамі радыёэлектроннай барацьбы і супрацьпаветранай абароны, зазначыў Сырскі.
Некалькі дзён таму ўкраінскае ваеннае кіраўніцтва заявіла аб «складанай і напружанай сітуацыі» вакол горада Часавы Яр, які знаходзіцца пад пастаяннымі абстрэламі расійскай арміі. Гарадок размешчаны за 20 кіламетраў на захад ад Бахмута, які расійскія войскі акупавалі ў маі мінулага года.
«Супернік атакуе нашы пазіцыі ў сектарах Ліман і Бахмут баявымі групамі пры падтрымцы бронетэхнікі», — адзначыў Сырскі.
На думку галоўнакамандуючага УСУ, расійскае войска зараз узмацняе свае войскі з дапамогай новых падраздзяленняў, з прычыны чаго дамагаецца «часовых тактычных поспехаў».
Сырскі лічыць, што Украіна павінна «дабіцца тэхнічнай перавагі над супернікам» засячэ выкарыстання заходняй высокадакладнай зброі.
Сёння Мінабароны Расіі паведаміла пра захоп Багданаўкі і Першамайскага.
Украіна плануе пачаць контрнаступ у 2025 годзе, калі «пратрымаецца» ў 2024 годзе
Украіна распрацавала план новага контрнаступу — Зяленскі
З надыходам лета Расія можа рыхтаваць новы буйны наступ
Зяленскі назваў прымітыўнымі ідэі Трампа аб здачы тэрыторый у абмен на спыненне вайны