«Ніхто нічога не кінуў і не збіраецца». Як ідуць справы на рэканструкцыі палаца Горватаў у Нароўлі
Нараўлянскі выканкам даў дазвол на будаўнічыя працы ў палацы Горватаў. Пра гэта напісаў у тэлеграм-канале Пятро Кузняцоў.
10.04.2024 / 14:55
Палац Горватаў, 2022 год
Паводле Кузняцова, усе экспертызы па праекце рэканструкцыі Палацу ў Нароўлі пройдзены. Нараўлянскі райвыканкам выдаў дазвол на будаўнічыя працы. «Папяровая версія яшчэ толькі будзе адасланая, але электронная ўжо прыйшла праз вайбер», — напісаў Кузняцоў.
Ён дадае, што да будаўніцтва даху будаўнікі гатовыя. Але засталося вырашыць некаторыя тэхнічныя пытанні.
«Галоўная навіна ў тым, што ніхто нічога не кінуў і не збіраецца», — піша Кузняцоў.
Чытайце таксама:
Палац у Нароўлі плануюць рэканструяваць: патрэбная дапамога
Андрусь Горват купіў палац у Нароўлі