Vieteranam vajny rychtujucca vypłacić štohadovyja dapamohi. A kolki ich zastałosia?
U Biełarusi žyvie kala 1100 vieteranaŭ Vialikaj Ajčynnaj vajny. Uzrost bolšaści ź ich nabližajecca da 100 hadoŭ, a niekatoryja jaho pierasiahnuli, paviedamiła načalnica hałoŭnaha ŭpraŭleńnia sacyjalnaha absłuhoŭvańnia i sacyjalnaj dapamohi Ministerstva pracy i sacyjalnaj abarony Kaciaryna Kalada.
09.04.2024 / 17:03
Z 25 krasavika da 4 maja ŭsim vieteranam, udzielnikam i invalidam vajny, jakija jašče žyvuć, vypłaciać štohadovuju materyjalnuju dapamohu.
«Dla ŭdzielnikaŭ i invalidaŭ Vialikaj Ajčynnaj vajny materyjalnaja dapamoha składzie čatyry tysiačy rubloŭ, dla inšych katehoryj vieteranaŭ — dźvie tysiačy rubloŭ; hramadzianie, jakija adniesieny da asob, što paciarpieli ad nastupstvaŭ vajny, — adna tysiača rubloŭ», — paviedamiła Kaciaryna Kalada.
Na hetyja mety ŭ dziaržaŭnym biudžecie sioleta praduhledžana bolš za 10,5 miljona rubloŭ.
Pry hetym varta razumieć, što kolkaść niepasrednych udzielnikaŭ vajny našmat mienšaja za ahučanuju čynoŭnicaj ličbu, pakolki, pavodle biełaruskaha zakanadaŭstva, vieteranami VAV ličacca i tyja, chto prymaŭ udzieł «u likvidacyi nacyjanalistyčnaha padpolla na terytoryi Ukrainy, Biełarusi i bałtyjskich krain da kanca 1951 hoda».
Čytajcie taksama:
Marzaluk zhienieravaŭ novuju ideju, jak udaskanalić zakanadaŭstva ab hienacydzie