Źmicier Pankaviec budzie sudzicca sa svajoj byłoj žonkaj
Žurnalist Źmicier Pankaviec źviarnuŭsia da advakata, kab sudzicca sa svajoj byłoj žonkaj Hannaj Klimovič, jakaja abvinavaciła jaho ŭ chatnim hvałcie. Pra heta jon napisaŭ u svaim fejsbuku
09.04.2024 / 10:07
Źmicier Pankaviec. Fota: fejsbuk žurnalista
«Razumieju, što zbolšaha ŭsim pofih. Ale paśla ŭčorašniaj chvali litaralna paru słovaŭ pra biahučuju situacyju. Advakat užo čatyry tydni zajmajecca spravaj. Tak što sudu być. Nakont situacyi sa Svabodaj (zvalnieńnie z «Radyjo Svaboda». — NN) nijakich kamientaroŭ na dadzieny momant nie budzie. Chacia paśla suda nie vyklučaju takuju imaviernaść», — napisaŭ jon.
U pačatku sakavika razhareŭsia skandał, źviazany z Pankaŭcom i Klimovič. Dziaŭčyna publična abvinavaciła žurnalista ŭ chatnim hvałcie. Źmicier u svaju čarhu pryznaŭ adzin z faktaŭ (jaki zdaryŭsia ŭ 2018-m), ale adznačyŭ, što šturchnuŭ dziaŭčynu nienaŭmysna, inšyja abvinavačańni admaŭlaŭ.
«Radyjo Svaboda» hetu situacyju nie kamientavała.
Źmicier Pankaviec u žurnalistycy amal 20 hadoŭ. Pracavaŭ u «Našaj Nivie» i «Radyjo Svaboda». Stanaviŭsia łaŭreatam žurnalisckaj premii «Volnaje słova».
Čytajcie taksama:
Žurnalist Źmicier Pankaviec bolš nie pracuje na «Radyjo Svaboda»
Byłaja žonka abvinavaciła žurnalista Źmitra Pankaŭca ŭ chatnim hvałcie
Nijaki hvałt niedapuščalny. Zajava «Našaj Nivy» pa situacyi z Hannaj Klimovič i Źmitrom Pankaŭcom