Hramadstva6060

Byłaja žonka abvinavaciła žurnalista Źmitra Pankaŭca ŭ chatnim hvałcie

Hanna Klimovič, IT-mieniedžarka i eks-žonka žurnalista «Radyjo Svaboda» Źmitra Pankaŭca, apublikavała ŭ fejsbuku post pra adnosiny ź im. Pavodle słovaŭ Hanny, ciaham šaści hadoŭ u adnosinach Źmicier sistematyčna ŭžyvaŭ da jaje fizičny i psichałahičny hvałt — dachodziła navat da strasieńnia mozhu. Źmicier u svaim dopisie pierakonvaje u advarotnym — što mienavita jon byŭ achviaraj hvałtu z boku žonki.

Nijaki hvałt niedapuščalny. Zajava «Našaj Nivy» pa situacyi z Hannaj Klimovič i Źmitrom Pankaŭcom

Źmicier Pankaviec pracavaŭ da 2021 hoda ŭ «Našaj Nivie», ciapier jon supracoŭnik «Radyjo Svaboda». Fota z fejsbuka
Hanna Klimovič, fota z fejsbuka

U publikacyi Hanny pryviedziena try vypadki hvałtu, ale jana tłumačyć, što nasamreč ich było bolš — jana ŭklučyła ŭ dopis tyja kiejsy, jakija adbyvalisia pry śviedkach.

Pieršy z vypadkaŭ mieŭ miesca ŭ 2018 hodzie. Tady pamiž Źmitrom i Hannaj adbyłasia svarka, i jon užyvaŭ siłu, kab nie dać dziaŭčynie vyjści z pamiaškańnia, adabraŭ pašpart. Hanna raskazvaje, što ŭ adkaz na sprobu jaho zabrać Źmicier padniaŭ jaje i kinuŭ na padłohu, dziaŭčyna ŭdaryłasia hałavoj ab źniešni vuhał ściany i atrymała strasieńnie mozhu.

Druhaja historyja padobnaja — padčas svarki Pankaviec siłaj utrymlivaŭ dziaŭčynu ŭ pamiaškańni, adabraŭ u jaje telefon i zabłakavaŭ dźviery. Dziaŭčyna sprabavała zabrać telefon, ale atrymała ŭ adkaz siniaki, a potym, jak kaža Hanna, Źmicier vyviesiŭ jaje tułavam uniz z bałkona čaćviortaha paviercha doma sa słovami «Chočaš vychodzić — davaj». Skončyłasia tym, što mužčyna prosta stamiŭsia jaje tak trymać i pastaviŭ na nohi.

Treci vypadak źviazany sa šlubam Źmitra i Hanny, jaki nie pratrymaŭsia i hodu. Dziaŭčyna raskazvaje, što pajšła na jaho ź nieachvotaj, bo ŭžo na toj čas u ich sa Źmitrom adnosinach byli prablemy, ale Pankaviec adkazvaŭ na sumnieńni, što jana prosta chvalujecca pierad viasiellem. Čarhovaja składanaja razmova padčas šlubu, kaža Hanna, skončyłasia tym, što Źmicier parezaŭ sabie ruki. Potym, unačy, da pary pryjechała vilenskaja palicyja, bo susiedzi pačuli, jak Źmicier bje kułakami pa ścienach. Hanna ŭrešcie źjechała da inšaha mužčyny.

Da svajho dopisu Hanna prymacavała skrynšoty pierapiski sa Źmitrom. U ich Źmicier pryznajecca ŭ źbićci jaje chłopca («Ja prapracavaŭ toje, što źbiŭ tvajho d*****ba, i budu źbivać dalej pry kožnaj sustrečy»), žadaje dziaŭčynie pamierci ŭ pakutach i ad raku, a taksama abražaje jaje.

Dziaŭčyna adznačaje, što ciaham adnosinaŭ maŭčała pra hvałt u tym liku z-za niežadańnia sapsavać reputacyju Pankaŭca.

Zdymki, jakija apublikavała Hanna.

Hanna raspaviała «Našaj Nivie», što paśla vypadku sa strasieńniem Źmicier abiacaŭ joj źviarnucca da psichaterapieŭta: «Jon pierakonvaŭ, što vielmi škaduje i nie trymaje siabie ŭ rukach. Zvyčajna, kazaŭ jon, heta nie mocna jamu pieraškadžaje žyć, ale jon zrobić usio, kab ja da jaho viarnułasia i daravała jamu, tamu hatovy iści da psichołaha i raźbiracca z hetaj prablemaj».

Dziaŭčyna raskazvaje, što na toj čas pavieryła ŭ kachańnie Źmitra i ŭ toje, što jon pojdzie da psichołaha, tamu vyrašyła viarnucca da jaho.

Paśla treciaj historyi, kali Hanna znoŭ ad jaho syšła, Źmicier usio ž znajšoŭ siamiejnuju psichaterapieŭtku — ale, miarkuje dziaŭčyna, dla jaho heta było prosta nahoda, kab zaprasić Hannu sustrecca.

Dziaŭčyna raskazvaje, što jaje dopis bolš byŭ skiravany na reakcyju ahulnych znajomych, jakim viadomaja tolki pazicyja Źmitra datyčna adnosinaŭ i jakija praz heta stali mienš stasavacca z Hannaj.

Źmicier adkazaŭ na publikacyju Hanny svaim dopisam. U im jon śćviardžaje, što nasamreč heta jon ciarpieŭ ad hvałtu z boku dziaŭčyny: Pankaviec piša pra ŭdary ŭ tvar i navat nahoj u hrudzi, jakija atrymlivaŭ ad Hanny. Pavodle jaho, u adkaz na jaho žadańnie syści Hanna sprabavała zadušyć siabie kabielem, pastajanna abražała jaho, kantralavała jaho sacsietki i adnosiny ź siabrami.

Pieršuju historyju z pasta Hanny Źmicier paćviardžaje, ale kaža, što jon dziaŭčynu šturchnuŭ, a nie metanakiravana biŭ. Historyju z bałkonam nazyvaje vydumanaj.

Pankaviec piša, što Hanna zdradziła jamu ŭ pieršy miesiac šlubu i syšła, i praz heta ŭ jaho pačalisia depresija i PTSR, jon prachodzić psichaterapiju i pje antydepresanty. Epizod z rezańniem ruki Źmicier paćviardžaje — maŭlaŭ, chacieŭ, kab «fizičny bol pierabiŭ emacyjny». I kaža, što ŭsie inšyja dokazy buduć u sudzie.

Čytajcie taksama:

«Jaje zvali Liza». U Varšavie prajšoŭ Marš u pamiać ab zhvałtavanaj i zabitaj biełaruscy REPARTAŽ

«Mnie paščaściła. A Lizie — nie». Paśla śmierci biełaruski ŭ Varšavie ŭ siecivie šyrycca chešteh #chopićhvałcić — voś što pišuć

«Jon pavaliŭ mianie na ziamlu, vyratavali vuzkija džynsy». Biełaruski raspaviadajuć pra hvałt, ź jakim sutyknulisia

Kamientary60

  • Mova
    10.03.2024
    Pazityŭnaje ŭ hetaj historyi tolki toje, što hieroi listujucca biełaruskaj movaj )))
  • Varjacki śviet
    10.03.2024
    [Red. vydalena]
  • Voś
    10.03.2024
    Nie apraŭdvaju dziejańni Pankaŭca, ale tut padajecca psichołah patrebny aboim, asabliva kali žonka sapraŭdy zdradziła jamu ŭ pieršy miesiac šlubu. Z takimi treba adrazu razychodzicca, bo na zdradzie siamju nie pabuduješ.

Bajden vychodzić z prezidenckaj honki46

Bajden vychodzić z prezidenckaj honki

Usie naviny →
Usie naviny

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

bolš čytanych navin
bolš łajkanych navin

Bajden vychodzić z prezidenckaj honki46

Bajden vychodzić z prezidenckaj honki

Hałoŭnaje
Usie naviny →