Ukrainskija drony atakavali pradpryjemstva ŭ Tatarstanie, dzie vypuskajuć «šachiedy»
Upieršyniu z pačatku vajny va Ukrainie drony atakavali Tatarstan. Jość paciarpiełyja.
02.04.2024 / 08:23
Drony atakavali pradpryjemstvy ŭ Jałabuzie i Nižniakamsku ŭ Tatarstanie, paviedamiła pres-słužba kiraŭnika respubliki.
Pa słovach miascovych žycharoŭ, vybuchi adbylisia na terytoryi asablivaj ekanamičnaj zony «Ałabuha», jakaja znachodzicca pad Jałabuhaj.
Na kadrach možna ŭbačyć, što paškodžańni atrymaŭ kompleks z vaśmi chostełaŭ, jaki pabudavali dla supracoŭnikaŭ asablivaj ekanamičnaj zony i studentaŭ miascovaha kaledža «Ałabuha Palitech» u 2022 hodzie. Adzin ź ich («Hieron») značna paškodžany.
Taksama drony atakavali pradpryjemstvy ŭ Nižniakamsku.
Jość paciarpiełyja, surjoznych razbureńniaŭ na pradpryjemstvach niama, napisaŭ prezident Tatarstana Rustam Minichanaŭ.
Letaś ŚMI paviedamlali, što Rasija choča naładzić na zavodzie ŭ Jałabuzie vytvorčaść «šachiedaŭ».
U sakaviku USU pačaścili ataki dronaŭ na rasijskija NPZ, a taksama inšyja pramysłovyja abjekty, jakija pracujuć na abaronku.
Čytajcie taksama:
Rasija pavialičvaje impart bienzinu ź Biełarusi z-za atak bieśpiłotnikaŭ na rasijskija NPZ
Na Kujbyšaŭskim NPZ pad Samaraj paśla ataki bieśpiłotnika adbyŭsia pažar
«Rasija — heta bienzakałonka z armijaj. I my majem namier źniščyć hetuju bienzakałonku»