Eks-premjer Manholii chitrym čynam kupiŭ dźvie raskošnyja kvatery na Manchetanie, ciapier Hienprakuratura ZŠA choča ich adabrać
Pa danych prakuratury, jon kupiŭ ich na «adkaty».
27.03.2024 / 08:24
Suchbaataryn Batbołd. Fota: fejsbuk eks-premjera Manholii
Amierykanskaja prakuratura padała ŭ sud chadajnictva ab kanfiskacyi ŭ byłoha premjer-ministra Manholii Suchbaataryna Batbołda dźviuch kvater u centry Ńju-Jorka koštam 14 młn dalaraŭ, paviedamlaje Bi-bi-si.
U padadzienych u sud materyjałach havorycca, što kali Batbołd byŭ premjer-ministram — jon zajmaŭ hetuju pasadu ŭ 2009-2013 hh. — kampanija, jakuju jon kantralavaŭ praz pasiarednikaŭ, atrymała zapar na zdabyču karysnych vykapniaŭ na 68 młn dalaraŭ. Pry hetym kampanija, jakaja zvałasia Catrison, nie mieła nijakaha dośviedu ŭ hornazdabyŭnoj halinie,
a kiravaŭ joju były nastaŭnik-fiłołah.
Častku atrymanych hrošaj Batbołd, pa źviestkach prakuratury, patraciŭ na dźvie raskošnyja kvatery ŭ centry Manchetena. U adnoj ź ich žyŭ jaho syn.
Sam eks-premjer, ciapier deputat parłamienta Manholii, abviarhaje abvinavačańni. Asabista suprać jaho amierykanskija prakurory abvinavačvańni nie vyłučali — ich pazoŭ tyčycca tolki kvater.
Čytajcie taksama:
U Manholii — samaja surovaja zima za paŭstahodździa. Tam zahinuli amal 5 miljonaŭ žyvioł
«Ałkahol paŭpłyvaŭ na jaje rozum»: eks-prezident Manholii vyśmiejaŭ «damu z MZS RF»