Śviet22

U Manholii — samaja surovaja zima za paŭstahodździa. Tam zahinuli amal 5 miljonaŭ žyvioł

Nizkija tempieratury taksama pahražajuć charčavańniu tysiač ludziej. Takija źviestki apublikavaŭ Mižnarodny kamitet Čyrvonaha Kryža, piša CNN.

Fota: Taylor Weidman/LightRocket via Getty Images

Surovyja ŭmovy ŭ Manholii nazyvajuć dzud. Jon nadychodzić, kali letniaja zasucha źmianiajecca mocnymi śniehapadami i ekstremalnymi marazami. Tempieratura pavietra moža apuskacca da -30°C abo i nižej, piša CNN.

Vysokaje śniežnaje pokryva i toŭsty płast lodu pakryvajuć pašy, pazbaŭlajučy žyviołu dostupu da ježy.

U Manholii kala 300 tysiač čałaviek zajmajucca tradycyjnaj kačavoj žyviołahadoŭlaj: ich dziejnaść zaležyć ad bujnoj rahataj žyvioły, koz i koniej. Siemji žyviołahadoŭcaŭ vandrujuć pa šyrokich łuhach krainy, kab znajści novyja pašy dla vypasu žyvioły. U letnija miesiacy jany vyroščvajuć korm dla žyvioł na zimu.

Dzudy zdarajucca ŭ Manholii ŭsio čaściej, tamu pašy nie paśpiavajuć adnavicca ŭ pierapynkach pamiž ekstremalnymi ŭmovami nadvorja, a pastuchi — zrabić patrebnyja zapasy.

«Ludzi, jakija całkam zaležać ad svajoj žyvioły, usiaho za niekalki miesiacaŭ stali žabrakami. Niekatoryja ź ich ciapier nie mohuć prakarmić siabie abo abahreć svaje damy», — kaža Alaksandr Mateu, rehijanalny dyrektar MKČK u Azijacka-Cichaakijanskim rehijonie.

Pa dadzienych MKČK, ź listapada 2023 hoda prynamsi 2250 siemjaŭ žyviołahadoŭcaŭ stracili bolš za 70% svajoj žyvioły. Bolš za 7000 siemjaŭ nie majuć dastatkovaha dostupu da prakormu.

Dzud pabiŭ try čverci terytoryi krainy, ale čakajecca, što ŭmovy pahoršacca.

«Ciapier viasna, ale zima ŭ Manholii zaciahvajecca, na ziamli ŭsio jašče lažyć śnieh, a bydła ŭsio jašče hinie», — adznačaje Mateu.

U minułym miesiacy manholski ŭrad abviaściŭ stan pavyšanaj hatoŭnaści, jakoje praciahniecca da 15 maja.

«Navat vysokaha ŭzroŭniu hatoŭnaści, jaki byŭ u Manholii ŭ hetym hodzie i ŭ papiarednija hady, niedastatkova, kab spravicca z ekstremalnymi ŭmovami. My zrabili vialikuju padrychtoŭku, i maštaby ŭsio jašče zaśpieli nas źnianacku», — tłumačyć rehijanalny dyrektar MKČK.

Pavodle dadzienych Suśvietnaj arhanizacyi achovy zdaroŭja, ciapierašni ŭzrovień śniežnaha pokryva byŭ samym vysokim za 49 hadoŭ i achapiŭ 90% terytoryi krainy.

«Hetyja dzudy cykličnyja, i jany zdarajucca ŭsio čaściej. Ich było ŭžo šeść za apošnija 10 hadoŭ. Hety, biezumoŭna, najhoršy», — skazaŭ Mateu.

Dadzienyja prahramy raźvićcia AAN (PRAAN) śviedčać, Manholija źjaŭlajecca adnoj z krain, najbolš paciarpiełych ad klimatyčnaha kryzisu. Siaredniaja tempieratura pavietra tam za apošnija 70 hadoŭ vyrasła na 2,1°C.

Kamientary2

  • A
    22.03.2024
    Hłobalnoje potieplenije.....................
  • Kaman
    22.03.2024
    Kohda ja tam byvał, v otdalennom užie prošłom, tam był moroz 42, i nikoho eto nie puhało, sčitałoś obyčnym, i bydło nie dochło. A było eto v fievrale takoho-to hoda. Pobyvał v raznych riehionach, do st. Čoir i nazad. Skorieje vsieho pričina etoho mora v pohołov́je domašnieho skota nie moroz, a bieschoz + dieŕmovyje ekonomičieskije usłovija. Kośviennoje podtvierždienije tomu - zapłanirovannyj vizit našieho voždia v stranu obitatielej pustyni Hobi. Nie ot chorošiej žiźni monhoły vynuždieny nałaživať kontakt s takim pierśpiektivnym(...)partniorom... Vozvraŝajaś k potieriam pohołov́ja, priedpołožu, čto cifry skorieje vsieho objediniajut problemy nieskolkich let, no priepodnosiatsia, kak katastrofa etoho, osobiennoho značit, hoda. PS. Śniehopadov tam praktičieski nie byvajet, t.k. klimat riezkokontinientalnyj, s isklučitielno suchim vozduchom. Priroda śnieha schoža s prirodoj inieja, kotoryj skaplivajetsia, nasłaivajaś so vriemieniem, i ziemla priobrietajet biełyj pokrov. Takoj śnieh my nožami riezali na "kirpiči" i stroili vsiakuju fihniu, ot skuki.

Kudy mohuć departavać 323 biełarusaŭ z ZŠA paśla ŭkaza Trampa? I chto hetyja ludzi?

Kudy mohuć departavać 323 biełarusaŭ z ZŠA paśla ŭkaza Trampa? I chto hetyja ludzi?

Usie naviny →
Usie naviny

U Rečycy kiroŭca aŭtobusa daviedaŭsia, što zabyŭ pasažyrku — i z poŭnym sałonam ludziej pajechaŭ jaje zabirać4

U Biełarusi možna ŭziać u arendu samuju sapraŭdnuju partyzanskuju ziamlanku. Cana pytańnia?1

Kala miažy ź Biełaruśsiu źbiehli troje rasijskich zekaŭ, jakich vieźli na vajnu6

Na pracesie pa karniku Sierafinoviču prakuror pałovu dnia začytvaŭ proźviščy zabitych12

U Hiermanii zatrymali stažorku chutkaj dapamohi, jakuju vinavaciać u atručvańni čatyroch kaleh1

Śpiecpradstaŭnik ZŠA: Va Ukrainy amal niama šancaŭ atrymać jadziernuju zbroju6

Biełarus atrymaŭ pieravod z-za miažy na «niaŭdałuju» sumu. Addaŭ bolš kamisii, čym atrymaŭ na ruki3

Biełarus prymusiŭ Kanstytucyjny sud pierahladzieć zakanadaŭstva6

Ukraina atrymała pieršyja francuzskija źniščalniki Mirage1

bolš čytanych navin
bolš łajkanych navin

Kudy mohuć departavać 323 biełarusaŭ z ZŠA paśla ŭkaza Trampa? I chto hetyja ludzi?

Kudy mohuć departavać 323 biełarusaŭ z ZŠA paśla ŭkaza Trampa? I chto hetyja ludzi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić