Na chutkasnaj trasie ŭ Polščy biełarus źbiŭ mužčynu, jaki vyjšaŭ na darohu z-za fiermierskaha pratestu
Polskija ŚMI paviedamlajuć pra avaryju na chutkasnaj trasie S8 z udziełam kiroŭcy ź Biełarusi. Incydent adbyŭsia ŭčora, 20 sakavika, paviedamlaje Autogrodno.by.
21.03.2024 / 19:48
Fiermierski pratest na trasie S8
Učora ŭ Polščy prachodziŭ čarhovy pratest fiermieraŭ, skiravany na pasłableńnie niekatorych zakonaŭ ES u sielskaj haspadarcy i na admienu ŭvozu sielhaspradukcyi z-za miežaŭ Jeŭrasajuza.
Z dapamohaj traktaroŭ fiermiery pierakryli kala 500 učastkaŭ daroh pa ŭsioj Polščy, u tym liku i adzin z kirunkaŭ trasy S8. U zvarotnym kirunku ruch transpartu zachoŭvaŭsia.
36-hadovy miascovy žychar padjechaŭ na svaim aŭtamabili da taho miesca, dzie trasa była zabłakavanaja traktarami. Kab nie hublać čas, jon vyrašyŭ viarnucca nazad. Ale pakolki na aŭtamabili ruchacca ŭ zvarotnym kirunku trasy zabaroniena, to jon pieralez praz raździalalnuju pałasu i źbiraŭsia iści pa prajeznaj častcy tudy, adkul niadaŭna pryjechaŭ.
Adnak ščaście čałavieku nie spryjała, jon byŭ źbity mašynaj, jakoj kiravaŭ 49-hadovy hramadzianin Biełarusi. Niahledziačy na namahańni miedykaŭ, vyratavać paciarpiełaha nie ŭdałosia.
Čytajcie taksama: