Жыхар Пружанаў выказаўся ў бальніцы пра Лукашэнку і паехаў на «хімію»
13 лютага ў судзе Пружанскага раёна разглядзелі справу Васіля Ячычкі. Яго прызналі вінаватым паводле арт. 368 Крымінальнага кодэксу (абраза Лукашэнкі) і асудзілі да двух гадоў абмежавання волі («хіміі»). Прысуд агучыў суддзя Ігар Жытко.
07.03.2024 / 15:18
Вядома, што Ячычка знаходзіўся пад вартай з 19 да 21 снежня 2023 года. Яго прызналі вінаватым у тым, што 18 лістапада 2023 года ён нібыта выказаў зняважлівы выраз у адрас Лукашэнкі, знаходзячыся ў Пружанскай раённай бальніцы.
Туды ён трапіў пасля таго, як яго нецвярозым затрымаў інспектар ДПС, калі ён ехаў на ровары. Васіль прызнаў віну, піша «Вясна».
Чытайце таксама:
У Баранавічах па «народным» артыкуле судзяць адразу васьмярых чалавек
ГУБАЗіК справаздачыўся аб затрыманні яшчэ 5 жыхароў Бярозы
Жыхара Лунінца асудзілі да сямі гадоў калоніі па шэрагу пратэсных артыкулаў