Trybuna pad Łukašenkam zhniła
Mabilnamu trybunnamu kompleksu na praśpiekcie Mašerava nieabchodny terminovy ramont. Tendar na ramont kanstrukcyj trybuny na sajcie Nacyjanalnaha centra markietynhu i kanjunktury cen raźmiaściła UP «Minskrekłama», zaŭvažyŭ reform.by.
05.03.2024 / 12:37
Parad u Miensku, 9 maja 2020 hoda. Fota: president.gov.by
Hutarka idzie pra kanstrukcyju trybuny kala steły «Minsk — horad-hieroj» na praśpiekcie Mašerava, na jakoj Alaksandr Łukašenka prymaje parady. Parady nie pravodzili z 2020 hoda. Sioleta jaho zapłanavali na 3 lipienia.
Pravierka vyjaviła sucelnuju karoziju elemientaŭ pakryćcia niš, karoziju ankiernych nitaŭ, mietaličnych apornych płaścin, skoły, raskoliny, razbureńnie bietonnych ścienak niš, tratuarnych kamianioŭ. U nišach sabrałasia śmiećcie. Taksama zafiksavana adchileńnie ad prajektnaha stanovišča, vypučvańnie ścienak niš z bardziurnaha kamienia.
Prapanujecca adramantavać nišy tak, kab tudy nie papadali atmaśfiernyja apadki i śmiećcie, zabiaśpiečyŭšy paviarchoŭny vodaadvod i/ci damahčysia hiermietyčnaści kanstrukcyi.
Košt rabot nie paznačany, ale viadoma, što ŭ 2017 hodzie z haradskoha biudžetu na rekanstrukcyju mabilnaha trybunnaha kompleksu na praśpiekcie Mašerava było patračana amal 118 tysiač biełaruskich rubloŭ.
Čytajcie taksama:
Tvar kanała HUBAZiKa Taćciana Traciak stała viadučaj tok-šou ANT
Marzaluk raskazaŭ pra «biełaruskaje narodaŭładździe» kałumbijcam
«Tałantiŝie! I pojet krasivo». Botaŭ mabilizavali na padtrymku niaviestki Łukašenki