«У нас свае традыцыі выбараў, якія спрабавалі вытручваць, досвед з часоў Полацкага княства» — ЦВК
Старшыня Цэнтральнай выбарчай камісіі Ігар Карпенка гатовы «даць фору любой дэмакратыі».
03.03.2024 / 20:59
«У нас ёсць свае пэўныя традыцыі, дарэчы, якія ў нас спрабавалі вельмі доўга вытручваць і ўвесь час рабіць нас нейкімі недасканалымі, што мы тут і галасаваць не ўмеем, і сістэма ў нас нейкая не такая, і камісіі ў нас не так працуюць. Спрабавалі нам гэтую недасканаласць пастаянна навязаць.
Але я магу сказаць, што ў нас багаты досвед са старажытных часоў да сучаснасці, яшчэ пачынаючы з вечавых традыцый Полацкага княства. Таму мы можам цалкам даць фору любой іншай дэмакратыі», — пахваліўся Карпенка ў эфіры АНТ.
Сёлета на дэпутацкіх выбарах намалявалі рэкордную яўку датэрміновага галасавання — 42%. Сапраўдную колькасць галасоў ніхто не лічыць — пераможцы вядомы загадзя. А каб беларусы за мяжой не псавалі карцінку, выбарчыя ўчасткі пры пасольствах вырашылі перад гэтай электаральнай кампаніяй закрыць.
Чытайце таксама:
Арганізатары выбараў фактычна прызналіся ў фальсіфікацыях у Мінску. Сачыце за рукамі
Што за назіральнікі з Еўропы прыехалі на выбары ў Беларусь
Як фальсіфікуюцца выбары ў Беларусі. Сем этапаў падману
Цэнтрвыбаркам прыдумаў, як прагаласаваць беларусам, што жывуць за мяжой