Zapuścili zbor srodkaŭ na śviatkavańnie čarhovaj hadaviny BNR
Na płatformie «Bajsoł» zapuścili zbor srodkaŭ na praviadzieńnie mierapryjemstva ŭ honar 106-j hadaviny abviaščeńnia BNR i jaho anłajn-tranślacyi.
29.02.2024 / 17:27
Adznačeńnie 106-j hadaviny abviaščeńnia BNR padajecca jak «praciah tradycyi, zakładzienaj u 2018 hodzie, kali BNR100 adśviatkavali mitynham-kancertam kala Opiernaha teatra ŭ Minsku».
Na adznačańnie 106-j hadaviny płanujecca zaprasić papularnyja biełaruskija muzyčnyja hurty. Taksama ŭ jakaści haściej płanujucca ekśpierty i ekśpiertki, dyzajniery i dyzajnierki, błohiery i błohierki, sučasnyja biełaruskija piśmieńniki i piśmieńnicy.
Padrychtoŭka dla arhanizacyi śviatkavańnia ŭžo idzie: zamoŭlenaja placoŭka, jość damoŭlenaści z muzyčnymi hurtami i haściami.
«My viedajem, što z vašaj dapamohaj my zmožam stvaryć śviatočnuju atmaśfieru, abjadnać biełarusaŭ i biełarusak jak u Biełarusi, tak i za jaje miežami. A taksama nahadać vam i sabie, što našaja siła ŭ adzinstvie. 106 hadoŭ tamu našyja prodki zdoleli zajavić pra siabie. My ŭpeŭnienyja, što i ŭ nas usio atrymajecca, tamu što biełaruskaja salidarnaść — našaja hałoŭnaja siła», — pišuć arhanizatary zboru.
Padtrymać zbor srodkaŭ možna pa spasyłcy.
Čytajcie taksama:
«Bajsoł» zrabiŭ vypłaty 200 palitviaźniam
Rada BNR zaklikaje šyroka adznačyć 100-hodździe Vasila Bykava