Праз камісію па вяртанню ў Беларусь прыехалі «каля 10 чалавек»
За час працы так званай камісіі па вяртаннюў яе паступіла 150 заяў, з іх 37 адпавядалі патрабаванням уладаў. Каля дзясяці чалавек вярнуліся ў Беларусі. Пра гэта паведаміў генеральны пракурор Андрэй Швед.
19.02.2024 / 11:44
Паводле яго слоў, за час працы камісіі на разгляд паступіла 150 заяў, з іх разгледжана 37, якія адпавядалі ўсім неабходным патрабаванням. Як адзначыў генпракурор, прымаліся розныя рашэнні, аднак «каля дзясяці асобаў вярнуліся і працягваюць жыць у Беларусі».
«З ліку тых, хто вярнуўся на радзіму, 5-6 чалавек добраахвотна расказалі пра тыя ўмовы, у якіх яны пражывалі за мяжой, і дзякуюць за магчымасць вярнуцца ў Беларусь», не здолелі дакладна падлічыць сілавікі.
У гэтым годзе ў камісію паступіла ўжо 12 заяў, паведаміў Швед.