У Харкаве «Шахеды» трапілі ў АЗС: гараць 14 прыватных дамоў, загінулі сем чалавек
Асобы загінулых высвятляюць, сярод іх, паводле папярэдніх звестак, двое дзяцей ва ўзросце чатырох і сямі гадоў і шасцімесячнае немаўля.
10.02.2024 / 08:16
Прынамсі сем чалавек загінулі ў выніку атакі беспілотнікаў на Харкаў, паведаміў кіраўнік абласной вайсковай адміністрацыі Алег Сінегубаў.
Асобы загінулых высвятляюць, сярод іх, паводле папярэдніх звестак, двое дзяцей ва ўзросце чатырох і сямі гадоў і шасцімесячнае немаўля.
Раней мясцовыя ўлады паведамлялі, што тры «шахеды» ўдарылі па АЗС у Харкаве — у выніку гэтага траплення разлілося гаручае і пачаўся буйны пажар. Загарэліся каля 15 прыватных жылых дамоў.
Расія не каментавала атаку дронаў на Харкаў. Горад і Харкаўская вобласць рэгулярна падвяргаюцца абстрэлам.
Чытайце таксама: