Žychara Połacka zatrymali za kamientary pra pamierłaha načalnika milicyi z Oršy
Kab schapić biazzbrojnaha mužčynu, spatrebilisia siamiora milicyjantaŭ.
08.02.2024 / 19:59
Illa Macievušaŭ. Fota: Ukantakcie
Zatrymanamu Illi Macievušavu 31 hod, i jon pałačanin.
Na videa Illu spačatku spyniaje ekipaž DAI z troch čałaviek, a paśla na jaho zzadu nakidvajucca troje supracoŭnikaŭ SACHR. Jašče adzin siłavik zdymaje zatrymańnie.
Zatrymańnie Illi Macievušava. Skrynšot ź videa telehram-kanała viciebskaha HUBAZiK
U videa mužčyna raspaviadaje, što ŭ internecie niby «abraziŭ pamierłaha načalnika ŭpraŭleńnia ŭnutranych spraŭ Siarhieja Barviankova» z Oršy. Taksama jamu zakidajuć inšyja kamientary i ŭdzieł u pratestach u 2020-m.
Čytajcie taksama:
Kotatogram: hubazikaŭcy pakazali, jak jany analizujuć pratesnyja čaty. Voś što varta viedać