Ciełaachoŭnik Miesi staŭ udzielnikam niezvyčajnaha incydentu, baroniačy Lijanela ŭ Hankonhu
Zabaŭny vypadak zdaryŭsia pa prybyćci arhiencinca ŭ horad.
03.02.2024 / 09:03
Achoŭnik Miesi idzie za futbalistam. Fota Joshua A. Bickel / AP
Asabisty ciełaachoŭnik zornaha forvarda «Inter Majami» i zbornaj Arhienciny Lijanela Miesi paŭdzielničaŭ u niezvyčajnym incydencie.
Pa prybyćci kłuba ŭ Hankonh pradstaŭnik miascovaj słužby biaśpieki pasprabavaŭ nablizicca da Lijanela dla praduchileńnia sprobaŭ napadaŭ na hulca z boku miascovych fanataŭ, adnak ciełaachoŭnik, jaki išoŭ zzadu, nie dazvoliŭ siłaviku hetaha zrabić. Achoŭnik Miesi rezka adšturchnuŭ pradstaŭnika słužby biaśpieki, a sam Lijanel prajšoŭ dalej.
Zaŭtra ŭ 9:00 «Inter Majami» pavinien pravieści tavaryski matč ź miascovym kłubam «Hankonh XI».
Asabisty ciełaachoŭnik Miesi biehaje ŭzdoŭž pola padčas usich matčaŭ «Inter Majami», kab zaścierahčy svajho klijenta ad lubych niepažadanych kantaktaŭ.
Im źjaŭlajecca były śpiecnazaviec armii ZŠA Jasin Čueka, jaki maje bajavy dośvied u Iraku i Afhanistanie, vałodaje bajavymi mastactvami, udzielničaŭ ŭ niekalkich bajach MMA.
Čytajcie taksama:
Na futbolnym matčy ŭ Mieksicy zastrelili byłoha abaroncu zbornaj Balivii
U Litvie nie pabudujuć nacyjanalny stadyjon. Bo inviestar prajhraŭ $18 miljonaŭ u kazino
Matč na Supierkubak Biełarusi pa futbole adkłali na tydzień z-za vybaraŭ