Chrenina ŭznaharodzili ordenam za baraćbu suprać kałanijalizmu
Ministr abarony Respubliki Biełaruś Viktar Chrenin uznaharodžany adnym z najvyšejšych ordenaŭ Kuby — ordenam «Płaja Chiron», paviedamlaje pres-słužba viedamstva.
31.01.2024 / 09:49
Ministr abarony Respubliki Biełaruś Viktar Chrenin uznaharodžany ordenam «Płaja Chiron». Usie fota: Fota: Jan Harbaniuk / «Vajar»
Orden uručajecca kubincam i zamiežnikam, kiraŭnikam dziaržaŭ i ŭradaŭ za vydatnyja adroźnieńni ŭ baraćbie suprać impieryjalizmu i reakcyjnych sił, za vysokija dasiahnieńni ŭ imia miru i prahresu čałaviectva.
Vystupajučy pierad prysutnymi na ŭračystaj cyrymonii ŭznaharodžańnia, Viktar Chrenin skazaŭ:
«Pierakanany, što najpierš heta acenka štodzionnaj ratnaj pracy ŭsich vajskoŭcaŭ biełaruskaj armii. Ja ŭśviedamlaju toj vysoki ŭzrovień adkaznaści, jaki ŭskłała na mianie hetaja ŭznaharoda. Chaču zapeŭnić, što my prykładziem usie svaje siły dla zabieśpiačeńnia miru i biaśpieki».
Biełaruś u lutym 2022 hoda stała krainaj-saŭdzielnicaj u ahresii Rasii suprać Ukrainy.
Chrenin ciapier znachodzicca na Kubie z aficyjnym vizitam.
Čytajcie taksama:
Sachaščyk-małodšy: «Chrenin — bieschrybietny, ale vielmi zručny»
Łukašenka davioŭ hienierałam, što Polšča i Litva značna horšyja navat za vajnu va Ukrainie