Niekatoryja šmatpaviarchoviki abaviazali zdavać tolki z unutranym azdableńniem
Urad pašyryŭ pieralik žyłych pamiaškańniaŭ, jakija možna prymać u ekspłuatacyju tolki z unutranym azdableńniem. Dakumient ab źmienie raniejšaj pastanovy № 716 Savieta Ministraŭ ad 6 červienia 2011 hoda źjaviŭsia na partale pravo.by, piša Realt.by.
29.01.2024 / 16:54
Zdymak ilustracyjny. Fota: Realt.by
Zhodna z uniesienymi źmienami, ciapier usie žyłyja šmatkvaternyja damy, jakija budujucca ź dziaržpadtrymkaj, zabudoŭščyki pavinny zdavać z unutranym azdableńniem žyłych pamiaškańniaŭ. Raniej u ekspłuatacyju biez adździełki nie prymali tolki arendnaje i sacyjalnaje žyllo, internaty, a taksama žyłyja damy i kvatery, jakija budujucca sielskahaspadarčymi arhanizacyjami. Dla vyšejpieraličanych katehoryj hetaja norma zachoŭvajecca.
Pad unutranym azdableńniem majecca na ŭvazie toje, što ŭ kvatery pavinny być abklejenyja abo afarbavanyja ścieny, ŭstanoŭlenyja ŭbudavanaja mebla i elektryčnyja plity, zroblenyja padłohi, ustanoŭlenyja mižpakajovyja dźviery i santechničnaje abstalavańnie.
Pry hetym kvatery, jakija budujucca ź dziaržpadtrymkaj, mohuć prymacca ŭ ekspłuatacyju biez vykanańnia rabot pa ŭstanoŭcy ubudavanaj mebli i elektryčnych plit paśla ŭniasieńnia adpaviednych źmienaŭ u prajektnuju dakumientacyju.
Čytajcie taksama:
Z karaleŭskaj lustraj u sanvuźle. U Minsku ŭ zvyčajnym ŽK pradajecca kvatera-pałac
«Chočam narešcie pažyć pa-ludsku». Jak vyžyvajuć u rajcentry za 90 kiłamietraŭ ad Minska