Udzielnikaŭ «Bi-2» adpravili ŭ tajłandski anałah Akreścina
Dla dalejšaj departacyi.
27.01.2024 / 10:35
Bi-2. Fota: z sajta radior.lt
Udzielnikaŭ hrupy «Bi-2» etapujuć z Pchukieta ŭ Centr časovaha ŭtrymańnia imihracyjnaj palicyi Tajłanda ŭ Banhkoku dla nastupnaj departacyi, paviedamiŭ RIA Naviny hienkonsuł RF u Pchukiecie.
«Bi-2» zatrymali niekalki dzion tamu paśla kancerta. Paviedamlałasia, što jany vystupali biez adpaviednaha dazvołu.
Učora stała viadoma, što kožnaha z udzielnikaŭ hurta aštrafavali na 95 dalaraŭ u ekvivalencie. Usiaho byli zatrymanyja siem čałaviek.
«Bi-2» byŭ stvorany ŭ 1988 hodzie ŭ Babrujsku. Zasnavalniki i niaźmiennyja ŭdzielniki — Šura Bi-2 i Lova Bi-2. U skład kamandy taksama ŭvachodziać Andrej Zvankoŭ, Maks Łakmus, Barys Lifšyc i Jan Nikolenka.
U mai minułaha hoda Miniust Rasii ŭnios muzykanta Jahora Bortnika (Lova «Bi-2») u rejestr «inahientaŭ». U Miniuście tady zajavili, što Bortnik vystupaŭ suprać rasijskaha ŭvarvańnia va Ukrainu, niehatyŭna vykazvaŭsia pra Rasiju, jaje hramadzian i orhanaŭ dziaržaŭnaj ułady.
Čytajcie taksama:
Udzielnikaŭ «Bi-2» zatrymali paśla kancerta na vostravie Pchukiet. Hurt vystupaŭ biez dazvołu
Udzielnikaŭ hurta «Bi-2», zatrymanych u Tajłandzie, aštrafavali
Lovu Bi-2 pryznali ŭ Rasii zamiežnym ahientam
«Pucinskaja Rasija vyklikaje tolki ahidu i hidlivaść». Lova Bi-2 zajaviŭ, što nie vierniecca ŭ RF
Hurt «Bi-2» vypuściŭ antyvajenny klip na pieśniu «Kołybielnaja»