BATE abviaściŭ pra rasstavańnie z Kiryłam Alšeŭskim i jaho asistentami
Insajdarskija źviestki nakont spynieńnia supracoŭnictva z hałoŭnym trenieram akazalisia praŭdzivymi.
03.01.2024 / 15:57
Pres-słužba barysaŭčan paviedamiła, što Alšeŭski pakidaje BATE.
Akramia taho, rasstajecca z kłubam i šerah asistentaŭ Kiryła Piatroviča: staršy trenier Alaksandr Lisoŭski, trenier bramnikaŭ Eduard Tučynski, administratar Andrej Ihnatovič, masažyst Andrej Kryŭčyk. Taksama pakinie łahier «žoŭta-sinich» i hałoŭny trenier dubloraŭ Viktar Hančarenka (inšy, nie zorny były koŭč kłuba), piša football.by.
Takim čynam, pracu ŭ kamandzie praciahvajuć Uładzimir Niavinski, Dźmitryj Lichtarovič i Ihar Ražkoŭ.
Što tyčycca Alšeŭskaha, to jon pryniaŭ BATE vosieńniu 2022 hoda. Ź im «žoŭta-sinija» zavajavali bronzu pazaminułaha čempijanatu i zastalisia biez uznaharod u minułym — upieršyniu z 2005-ha.
Čytajcie taksama:
BATE za dva dni pakinuli vosiem futbalistaŭ
U BATE — najhoršyja vyniki za historyju. Top-5 pryčyn pravału