«Ідзіце на фронт самі і памрыце самі». «Шлях дадому» апублікаваў зварот мабілізаванага да Пуціна
У канале «Шлях дадому» жонкі расійскіх вайскоўцаў апублікавалі зварот мужчыны, які прадстаўляецца Аляксандрам і сцвярджае, што ён мабілізаваны, служыць штурмавіком са студзеня, цяпер у адпачынку.
18.12.2023 / 12:48
На відэа ён распавядае пра дрэнны стан здароўя мабілізаваных, невыносныя ўмовах на фронце, а таксама пра тое, што ён і іншыя вайскоўцы хочуць заключэння міру і спынення вайны.
«Уладзімір Уладзіміравіч, да чаго вы людзей давялі. У нас, расіян, не застаецца надзеі пад вашым кіраўніцтвам. Канчайце СВА, сядайце за стол перамоваў. Якія к чортавай маці «дэнацыфікацыя» і «дэмілітарызацыя»? Вы самі разумееце, пра што кажаце? Кожны раз, калі вы прамаўляеце гэтыя словы, людзі гінуць. Дайце нам жыць спакойна. Або ідзіце на фронт самі і памрыце самі», — дадаюць аўтары канала да відэа.
14 снежня прайшла першая з пачатку поўнамаштабнага ўварвання прамая лінія Пуціна. Паводле даследаванняў, самым чаканым ад расіян было пытанне, калі скончыцца вайна. Аднак падчас эфіру такога Пуціну не задавалі.
«Шлях дадому» — рух сваякоў мабілізаваных расіян. Яны дамагаюцца вяртання сваіх блізкіх з фронту, але выступаюць яны не супраць так званай «СВА», а толькі супраць бестэрміновай мабілізацыі. Цяпер яны адчуваюць значны ціск расійскіх уладаў.
У канцы лістапада жонкі і сваякі мабілізаваных у тэлеграм-канале «Шлях дадому» апублікавалі маніфест і петыцыю супраць бестэрміновай мабілізацыі.
Чытайце таксама:
«Нас на*балі і вас на*буць». Жонкі мабілізаваных РФ апублікавалі жорсткую петыцыю. Але ёсць нюанс