Biełaruski sajuz mastakoŭ likvidavaŭ supołku «Pahonia»
Tvorčaja supołka «Pahonia», jakaja isnavała ŭ miežach Biełaruskaha sajuza mastakoŭ, likvidavanaja, paviedamiła Radyjo Svaboda na padstavie infarmacyi, atrymanaj ad ahienctva «Pozirk».
11.12.2023 / 23:09
«Viadoma, što hetaje rašeńnie było pryniata na patrabavańnie Ministerstva kultury», — adznačyła krynica.
Pavodle nieaficyjnaj infarmacyi, raniej z sajuza vyklučyli palitźniavolenaha Hienadzia Drazdova, jaki ŭznačalvaŭ supołku z 2011 pa 2016 hod.
Abjadnańnie było stvorana 33 hady tamu, u 1990 hodzie. Jaho metami nazyvałasia «raźvićcio nacyjanalnaha mastactva, źbieražeńnie i pamnažeńnie mastackich nabytkaŭ kulturna-histaryčnaj spadčyny dziela abudžeńnia nacyjanalnaj samaśviadomaści naroda».
U 2016 hodzie, kali supołka adznačała 25 hadoŭ isnavańnia, paviedamlali, što ŭ jaje šerahach było bolš za 50 mastakoŭ. Ź inicyjatyvy čynoŭnikaŭ pracy čalcoŭ supołki nieadnarazova zdymalisia z vystaŭ.
Čytajcie taksama:
«Jon viedaŭ, jak pad nosam u KDB stvaryć štab nacyjanalnaha adradžeńnia»