«Pa što idzieš, voŭča?» Śviatłany Kurs trapiła ŭ top najlepšych tvoraŭ hoda ŭ Čechii
Tvor «Pa što idzieš, voŭča?» Jevy Viežnaviec (Śviatłany Kurs) u pierakładzie na češskuju movu vyjšaŭ u 2023 hodzie ŭ vydaviectvie Nakladatelství Pavel Mervart. A ciapier jon trapiŭ u top najlepšych tvoraŭ hoda pa viersii češskaha partała Iliteratura.cz.
11.12.2023 / 16:34
Fota: facebook.com/pflaumbaum.publishing
«Praz raman piśmieńnicy Jevy Viežnaviec češskamu čytaču jašče raz nahadvajuć pra aburalnuju, niespaścižnuju žorstkaść, ź jakoj u minułym stahodździ nieadnarazova raźlivalisia reki pralitaj kryvi ŭ Biełarusi — jakuju kaliści staraŭsia apisać Jachim Tapola ŭ svaim prazaičnym tvory «Chałodnaja ziamla»
Uražlivaść ramana biełaruskaj piśmieńnicy Jevy Viežnaviec (nar. 1972, u ciapierašni čas žyvie ŭ Varšavie) uzmacniajecca nie tolki šakavalnaj temaj źniščeńnia ludziej i łandšaftu pry źmienie režymaŭ, ale i vydatnaj formaj, jakaja ŭdała vyklikaje ščyraść i vyraznaść spantannaj pramovy», — piša partał Iliteratura.cz
Tvor staŭ łaŭreatam biełaruskaj litaraturnaj premii imia Ježy Hiedrojcia ŭ 2021 hodzie. Taksama «Pa što idzieš, voŭča?» pierakładzieny na niamieckuju movu.
Čytajcie taksama:
Śviatłana Kurs: Pakul leŭ ci koń žyvyja, ich buduć łupić z usich bakoŭ
Lepiej ničoha nie rabi dla Biełarusi, čym zroblenaje vymučanaje — Śviatłana Kurs