U novym siezonie Lihi Nacyj Biełaruś patrapiła ŭ Lihu C biez patreby hulać za vyžyvańnie
2 śniežnia vykanaŭčy kamitet Sajuza jeŭrapiejskich futbolnych asacyjacyj (UEFA) zaćvierdziŭ praceduru losavańnia Lihi Nacyj-2024/25, jakaja projdzie 8 lutaha budučaha hoda ŭ Paryžy i pačniecca ŭ 20:00 pa biełaruskim časie.
02.12.2023 / 18:30
Fota: Championat.com
U losavańni prymuć udzieł 54, a nie 55 siabroŭ UEFA. Rasijskija kłuby i zbornyja pa futbole adchilenyja ad udziełu ŭ mižnarodnych turnirach pad ehidaj FIFA i UEFA ź lutaha 2022 hoda, i nijakich padstaŭ dla taho, kab ich reabilitavać, za hety čas nie źjaviłasia.
Usie zbornyja raźmierkavanyja pa čatyroch lihach i adpaviednych košykach.
Liha A
Košyk 1. Ispanija, Charvatyja, Italija, Niderłandy
Košyk 2. Danija, Partuhalija, Bielhija, Vienhryja
Košyk 3. Šviejcaryja, Hiermanija, Polšča, Francyja
Košyk 4. Izrail, Bośnija, Sierbija, Šatłandyja
Liha B
Košyk 1. Aŭstryja, Čechija, Anhlija, Uels
Košyk 2. Finlandyja, Ukraina, Isłandyja, Narviehija
Košyk 3. Słavienija, Irłandyja, Ałbanija, Čarnahoryja
Košyk 4. Hruzija, Hrecyja, Turcyja, Kazachstan
Liha C
Košyk 1. Rumynija, Šviecyja, Armienija, Luksiemburh
Košyk 2. Azierbajdžan, Kosava, Bałharyja, Farery
Košyk 3. Paŭnočnaja Makiedonija, Słavakija, Paŭnočnaja Irłandyja, Kipr
Košyk 4. Biełaruś, Litva (abo Hibrałtar), Estonija, Łatvija
Liha D
Košyk 1. Hibrałtar (abo Litva), Małdova
Košyk 2. Malta, Andora, San-Maryna, Lichtenštejn
U hetym hodzie zbornaja Rasii praviała vosiem tavaryskich matčaŭ, u troch ź jakich atrymała pieramohi.
Nahadajem, što zbornyja Biełarusi i Litvy, jak kamandy, što zaniali ŭ minułym siezonie Lihi nacyj u svaich hrupach dyvizijona C apošnija miescy, mielisia sustrecca pamiž saboj u sakaviku, kab vyznačyć, chto zachavaje miesca ŭ dyvizijonie S, a chto apuścicca ŭ D (druhuju paru kamand mielisia skłaści Kipr i Hibrałtar).
Adnak litoŭcy zajavili, što nie chočuć hulać sa zbornaj Biełarusi, jak pamahataj Rasii ŭ vajnie suprać Ukrainy.
Tamu siońnia UEFA było vyrašana, što Biełaruś i Kipr, jak dźvie najlepšyja družyny, što finišavali čaćviortymi ŭ svaich hrupach u minułym hodzie ŭ dyvizijonie S, u im i zastanucca, a za vyžyvańnie buduć zmahacca Litva i Hibrałtar.
Čytajcie taksama:
«Tarpieda-BiełAZ» zavajavała bronzu, BATE ŭpieršyniu z 2005 hoda zastaŭsia bieź miedaloŭ
Hałkipier «Hamburha» zabiŭ śmiešny miač u svaje varoty ŭ matčy z «Sankt-Paŭli»