У Самары згарэў зусім новы беларускі трамвай
У расійскім горадзе Самара на хаду загарэўся трамвай вытворчасці «Белкамунмаш». Здарэнне адбылося ўвечары 11 лістапада. У салоне ў гэты момант знаходзіліся пасажыры, піша сайт 63.ru.
13.11.2023 / 16:27
Скрыншот з відэа
«Патушыць агонь сваімі сіламі не ўдалося. Уласная парашковая сістэма пажаратушэння, якой абсталяваны трамвай, з надзвычайным здарэннем таксама не справілася. На месцы працуюць пажарнікі. Па папярэдніх даных, у трамваі паміж унутранай прасторай даху і самім дахам магло адбыцца кароткае замыканне», — расказаў дырэктар мясцовага трамвайна-тралейбуснага ўпраўлення.
Мясцовы Следчы камітэт паведамляе пра аднаго пацярпелага у выніку ўзгарання.
Унутры трамвая пасля пажару. Фота з сацсетак
Гэты трамвай — адзін з пяці новых вагонаў, якія даставілі ў Самару з Беларусі ў канцы лета. Усяго іх павінны паставіць 12. Трамвайна-тралейбуснае ўпраўленне Самары збіраецца выстаўляць да беларускага вытворцы прэтэнзіі.
Раней праблемай самаўзгарання адзначаліся беларускія аўтобусы, пастаўленыя партыямі ў расійскія гарады.
Чытайце таксама:
З пачатку 2022 года ў Мінску зарэгістравана 32 ДТЗ з удзелам трамваяў
Беларускія аўтобусы вярнулі на гарадскія маршруты Санкт-Пецярбурга
МАЗ пракаментаваў зняцце сваіх аўтобусаў з рэйсаў у Санкт-Пецярбургу
Чаму ў Пецярбургу масава гараць новыя аўтобусы МАЗ? Наступствы санкцый