CHAMAS paviedamiŭ pra śmierć 50 zakładnikaŭ
CHAMAS nie moža vyzvalić zakładnikaŭ, pakul nie budzie dasiahnutaja damoŭlenaść ab spynieńni ahniu. U zakładnikach, u vyniku napadu 7 kastryčnika, apynułasia bolš za 220 izrailcian.
27.10.2023 / 08:57
Šaron Lifšyc (źleva) i Noam Sahi paśla pres-kanfierencyi svajakoŭ izrailskich zakładnikaŭ u hateli ŭ Łondanie. 53-hadovy Noam Sahi — psichaterapieŭt z Łondana, jaki vyras u kibucy Nir-Oz. Jaho 75-hadovaja maci, Ada Sahi, była ŭziataja ŭ zakładniki 7 kastryčnika. 52-hadovaja Šaron Lifšyc, mastačka i akademik, čyje baćki — aktyvisty ruchu za mir — va ŭzroście 85 i 83 hadoŭ, taksama byli ŭziatyja ŭ zakładniki. Fota: Kirsty Wigglesworth / AP
Paleścinski ruch CHAMAS nie moža vyzvalić zakładnikaŭ, pakul nie budzie dasiahnutaja damoŭlenaść ab spynieńni ahniu. Pra heta skazaŭ «Kommiersantu» pradstaŭnik delehacyi CHAMAS u Maskvie Abu Chamid. Pavodle jaho słoŭ, CHAMAS zajaviŭ pra svoj namier vyzvalić «cyvilnych pałonnych» jašče ź pieršych dzion vajny, ale jamu patrebny čas, kab znajści ŭsich, chto apynuŭsia ŭ siektary Haza 7 kastryčnika.
«Na akupavanyja ŭ 1948 hodzie terytoryi ŭvajšli sotni hramadzian i dziasiatki bajevikoŭ roznych paleścinskich hrupovak, i paśla padzieńnia izrailskaj dyvizii «Haza» jany zachapili dziasiatki čałaviek, bolšaść ź jakich — mirnyja žychary, i nam patrebny čas, kab znajści ich u siektary Haza, a zatym vyzvalić»,— skazaŭ jon.
Abu Chamid padkreśliŭ, što dla vykanańnia hetaj zadačy patrebna spakojnaja abstanoŭka. «U vyniku izrailskich bambardzirovak na hety momant zahinuła 50 źniavolenych», — dadaŭ jon.
Abu Chamid taksama raspavioŭ, što padčas vizitu ŭ Maskvu delehacyja CHAMAS pakazała «rasijskim siabram karcinu pryčyn ataki 7 kastryčnika». «Rasijskaja Fiederacyja — družalubnaja kraina dla paleścinskaha naroda i padtrymlivaje adnosiny z usimi pradstaŭnikami paleścinskaha naroda. My zaŭsiody hatovyja kansultavacca ź joj nakont roznych pytańniaŭ», — dadaŭ jon.
Učora, 26 kastryčnika, delehacyja CHAMAS naviedała Maskvu. Izrail nazvaŭ hety vizit «haniebnym krokam».
Čytajcie taksama:
Izrail asudziŭ vizit pradstaŭnikoŭ CHAMAS u Rasiju i zaklikaŭ «nieadkładna vyhnać terarystaŭ»
CHAMAS vyzvaliŭ dźviuch zakładnic. Jany vyhladajuć vielmi zmučanymi
Izrailskija zakładniki CHAMAS: najhoršy kašmar dla luboha ŭrada