U Maskvu pryjechała delehacyja CHAMAS
Delehacyju CHAMAS uznačalvaje člen palitbiuro ruchu Abu Marzuk.
26.10.2023 / 17:50
Člen palitbiuro CHAMAS Abu Marzuk. Fota: Hatem Moussa / AP Photo
Viadoma, što delehacyja sustrełasia sa śpiecpradstaŭnikom prezidenta Rasii na Blizkim Uschodzie, namieśnikam kiraŭnika MZS RF Michaiłam Bahdanavym. Pra inšyja sustrečy pakul nie paviedamlajecca.
Jak pišuć miedyja, CHAMAS zajaviŭ, što vysoka acaniŭ pazicyju Pucina i zaklikaŭ mižnarodnuju supolnaść źviarnuć uvahu na «hienacyd, jaki ździajśniaje sijaniscki ŭrad». Bahdanaŭ, jak paviedamlajecca, vykazaŭ padtrymku pravoŭ paleścinskaha naroda.
Bajeviki ruchu CHAMAS ranicaj 7 kastryčnika napali na Izrail. Jany vypuścili niekalki tysiač rakiet i prarvalisia ŭ prymiežnyja rajony, pačaŭšy boj ź izrailskimi vajskoŭcami. Zahinuła kala 1300 čałaviek, kala 220 byli ŭziatyja ŭ zakładniki.
Premjer-ministr Izraila Bińjamin Nietańjachu zajaviŭ, što kraina ŭstupaje ŭ «doŭhuju i ciažkuju vajnu». Taksama jon abjaviŭ, što Armija abarony Izraila pačała rychtavacca da nastupalnaj apieracyi, metaj jakoj — poŭnaje źniščeńnie mahčymaściaŭ CHAMAS.