BYSOL эвакуяваў сям’ю Ігара Случака і Аліны Нагорнай
Пра тое, што сям'я Ігара Случака і Аліны Нагорнай эвакуяваная, паведаміў Андрэй Стрыжак у сацсетках. Аліна і Ігар вядомыя як абаронцы моўных правоў беларусаў.
25.10.2023 / 13:49
«Гэта была асаблівая эвакуацыя са складанымі і драматычнымі рашэннямі. Складаная яшчэ і тым, наколькі шмат Аліна і Ігар змаглі зрабіць, знаходзячыся ў Беларусі дагэтуль(!). Іх расповед пра жыццё апошніх трох год — гэта драматычны прыгодніцкі трылер, і гэты расповед варты асобнай кнігі.
Аліна і Ігар пратрымаліся максімальна доўга, працягваючы займацца праваабарончай дзейнасцю ўнутры краіны, але кола вакол іх звузілася настолькі і справа стала такой небяспечнай, што яны былі вымушаныя з'ехаць», — напісаў Стрыжак.
Сям'я цяпер знаходзіцца ў Вільні.
Як піша Андрэй Стрыжак, ім патрэбная дапамога. Напрыклад, на пару гадзін у дзень па доглядзе дзяцей, каб у дарослых была магчымасць наладзіць побыт і пачаць працаваць.
Яшчэ патрэбныя некаторыя рэчы: зімовыя дзіцячыя камбезікі (1 год і 3 гады — памеры 80 і 98), асвятляльныя прыборы (таршэры, настольныя лампы), дзіцячая ванначка, дзіцячыя крэселкі (2-4) і столік, невялікі дзіцячы вазок.
Калі вы можаце дапамагчы, пішыце ў асабістыя Alina Nahornaja.
Падтрымаць сям'ю можна па спасылцы.
Чытайце таксама:
Беларуская мова з'явілася на ўпакоўцы яшчэ аднаго вытворцы дзіцячага харчавання
Зладзеі расцягваюць усё, што бачаць, з дома Случака і Нагорнай