U Brytanii znajšli kotku z dvuma nasami
Staršaja palavaja vieterynarnaja doktarka Fijona Brokbenk skazała, što vyjaŭleńnie pary nasoŭ było dla ich «upieršyniu».
20.10.2023 / 11:14
Fota: Cats protection, facebook.com
Biazdomnaja kotka źbiantežyła svaich novych apiekunoŭ paśla taho, jak vyśvietliłasia, što ŭ jaje dva nasy.
Supracoŭniki Uorynhtanskaha centra Cats Protection vykazali zdahadku, što ŭ čatyrochhadovaj kotki «prosta byŭ davoli vialiki nos», kali jaje pryvieźli.
Adnak pry abśledavańni byŭ znojdzieny druhi nos, jaki, pa słovach dabračynnaj arhanizacyi, byŭ vyklikany pryrodnaj anamalijaj, piša Bi-bi-si.
Staršaja palavaja vieterynarnaja doktarka Fijona Brokbenk skazała, što vyjaŭleńnie pary nasoŭ było dla ich «upieršyniu».
«Heta sapraŭdnaja redkaść, i, na ščaście, heta naohuł nie dastaŭlaje joj nijakich prablem», — dadała jana.
Mieniedžarka Centra Lindsi Ker skazała, što kotku nazvali Neni Makfi ŭ honar hieraini dziciačaj knihi, u jakoj «znakamity defarmavany nos».
Jana skazała, što piersanał «nie moža pierastać hladzieć na dva jaje nasy».
Fota: Cats protection, facebook.com
«My ŭsie zakachalisia ŭ našuju adzinuju ŭ svaim rodzie», — skazała jana.
«Jana zarekamiendavała siabie jak dalikatnaja łedzi, jakaja lubić šumichu i abdymki, i my spadziajemsia, što jaje słava budzie aznačać, što ŭ jaje nie budzie niedachopu ŭ patencyjnych usynavicielaŭ.
«Jana sapraŭdy zasłuhoŭvaje doma, dzie zmoža pastaleć i stać centram ščaślivaj siamji».
Čytajcie taksama:
U vioscy pad Hrodnam znajšli zialonaje kaciania. I heta jaho naturalny koler
Tesla vypuściła navamodnuju kardonku dla katoŭ. Pahladzicie, kolki jana kaštuje