Ukrainski Hienštab uskosna paćvierdziŭ paviedamleńni ab novym desancie na levy bierah Dniapra
Ukrainski Hienštab u zvodcy na ranicu čaćviarha ŭskosna paćvierdziŭ paviedamleńni ab novym desancie na levy bierah Dniapra: siarod nasielenych punktaŭ, pa jakich nanosiła ŭdary rasijskaja avijacyja, značycca siało na levym bierazie, da jakoha, pa paviedamleńniach vajennych błohieraŭ, dajšli ŭkrainskija marpiechi.
19.10.2023 / 07:16
Google.maps
«Na chiersonskim kirunku akupanty nanieśli avijacyjnyja ŭdary niepadalok ad Novabierysłava, Kazackaha, Olhaŭki, Prydniaproŭskaha i Piasčanaŭki Chiersonskaj vobłaści», — havorycca ŭ zvodcy.
Piasčanaŭka — heta siało na levym bierazie, častku jakoha razam z susiedniaj vioskaj Pojma, pavodle paviedamleńniaŭ rasijskich vajennych błohieraŭ, dva dni tamu zaniali ŭkrainskija marskija piechacincy, jakija vysadzilisia na akupavanym levabiarežžy, piša Bi-bi-si.
Pojma i Piasčanaŭka raźmieščanyja prykładna za try z pałovaj kiłamietry ad bieraha Dniapra, a zhadanaje ŭ zvodcy Prydniaproŭskaje — nasuprać ich na pravym bierazie, jaki kantralujuć zakonnyja ŭłady Ukrainy.
U Prydniaproŭskim znachodzicca čyhunačny most cieraz Dniapro, a dalej čyhunka prachodzić praz Pojmu.
Čytajcie taksama:
Rasijskaja armija viadzie masiravany šturm Aŭdziejeŭki. Što tam adbyvajecca i čamu heta važna
Padalak pra kontrnastup: My adstajem ad hrafika na šeść-dzieviać miesiacaŭ
Čamu Ukraina nie zdoleła prarvacca da Azoŭskaha mora? I što heta značyć dla rehijona?