Natalla Kačanava nazvała Vieniesuełu nadziejnym partnioram, dobrym tavaryšam i siabram Biełarusi
Staršynia Savieta Respubliki siońnia sustrełasia ź ministram zamiežnych spraŭ Respubliki Vieniesueła Ivanam Chilem Pinta, jaki znachodzicca ŭ Minsku ź vizitam.
17.10.2023 / 11:51
Ivan Chil Pinta i Natalla Kačanava. Fota: BiełTA
«Viadoma, dla nas vielmi važna ŭzajemadziejańnie absalutna va ŭsich napramkach žyćciadziejnaści našych krain. U tym liku ŭ humanitarnaj śfiery, u adukacyi. Kali studenty ź Vieniesueły vučacca ŭ našaj krainie — my heta ź vialikaj radaściu vitajem, — skazała Natalla Kačanava. — My hatovyja da supracoŭnictva absalutna pa ŭsich napramkach, razumiejučy i viedajučy, što Vieniesueła — naš dobry siabar. I my dobra pamiatajem pieryjady ŭ žyćci našaj krainy, kali Vieniesueła padstaŭlaŭ nam plačo samym surjoznym čynam, i my ŭdziačnyja vam za heta».
«Sa svajho boku śmieju vas zapeŭnić, što naša kraina — nadziejny partnior, dobry siabar i tavaryš Vieniesueły. U hetym nie moža być nijakaha sumnievu», — skazała śpikier Savieta Respubliki.
Jana vykazała ŭpeŭnienaść, što hety vizit daść novy impuls družbie i supracoŭnictvu pamiž aficyjnym Minskam i Karakasam.
Čytajcie taksama:
«Naša kraina — siamja, dzie jość «baćka». Kačanavu ŭznaharodzili ordenam
«Natalla Ivanaŭna, kali treba sabrać podpisy, my źbiarom». Ułady nahniatajuć hamafobnuju isteryju
«My nie možam za heta nie pieražyvać». Natallu Kačanavu niepakoić, što biełarusy pozna biaruć šlub