Izrail abviaściŭ pra poŭnuju błakadu siektara Haza
Ministr infrastruktury Izraila zajaviŭ u paniadziełak, što ŭ suviazi z aktyvizacyjaj bajavych dziejańniaŭ z paleścinskimi bajevikami jon rasparadziŭsia nieadkładna spynić padaču vady ŭ siektar Haza.
09.10.2023 / 14:47
Siektar Haza — vielmi hustanasieleny ankłaŭ. Tut na płoščy 365 kvadratnych kiłamietraŭ (što roŭna Minsku) pražyvaje dva z pałovaj miljony čałaviek. Fota: Ramez Mahmoud / AP
Taksama siońnia Izrail paabiacaŭ, što spynić pastaŭki elektraenierhii ŭ siektar Haza.
Z ranicy siły abarony Izraila (CACHAŁ) nanosiać maštabnyja pavietranyja ŭdary pa pazicyjach CHAMAS u siektary.
U paviedamleńni sił abarony Izraila havorycca, što ŭ najbližejšy čas budzie pradastaŭlena dadatkovaja infarmacyja pa ŭdarach.
Raniej CACHAŁ paviedamiŭ, što vojski adnavili kantrol nad usimi haradami na poŭdni krainy na miažy ź siektaram Haza. U ich užo niama bajavych dziejańniaŭ, ale tam usio jašče moža znachodzicca nievialikaja kolkaść bajevikoŭ, dadali izrailskija vajskoŭcy.
Taksama paviedamlałasia, što za 48 hadzin Izrail mabilizavaŭ 300 tysiač reziervistaŭ.
Čytajcie taksama:
Armija Izraila mabilizavała 300 tysiač reziervistaŭ za 48 hadzin
Paleścinskija terarysty vykrali žurnalista z trochhadovaj dačkoj, a jaho žonku zastrelili
Paleścinskija bajeviki zajavili, što zachapili ŭ pałon bolš za 130 izrailcian
AAN: Siektar Haza moža zastacca biez elektryčnaści praź niekalki dzion