Жонка Камісаранкі: Шмат гадоў таму падзарабляла вэбкам-мадэллю, але даравала сабе гэту памылку
Жонка коміка Славы Камісаранкі выказалася з нагоды скандалу вакол іх шлюбу. Нагадаем, комік пасля вяселля апублікаваў пост, у якім прызнаўся, што не ведаў пра мінулае дзяўчыны (працу вэбкам-мадэллю), а калі спытаў, то яна яму схлусіла.
06.10.2023 / 15:47
Юлія. Фота: інстаграм дзяўчыны
Юлія Шашкова напісала, што шмат гадоў таму падзарабляла як вэбкам-мадэль.
«Гэта доўжылася некалькі тыдняў і да сённяшніх дзён гэты эпізод практычна сцёрся з маёй памяці, таму што ганьбаванне падобных дзеянняў так ці інакш прымушаюць цябе пакінуць іх самымі патаемнымі і забыцца.
Так, на жаль, у мяне не было належнага палавога і як такога выхавання і акружэння, якое змагло б перасцерагчы ад падобнага занятку.
Але я ўжо даўно прайшла той узроставай перыяд юнацкага інфантылізму, калі хацелася гаварыць адкрыта перад камерай.
Выхоўвала ў сабе лепшыя якасці і жыла жыццё звычайнай жанчыны, якая хацела шчасця, сабаку, будавала планы на будучыню.
І ўсе мае патаемныя жаданні на сёння былі — гэта наведаць Антарктыду і падарожнічаць па Амерыцы на машыне.
Але адбылося тое, што адбылося.
І значыць так павінна было здарыцца.
Я даравала сабе гэтую памылку і на гэтым стаўлю кропку ўсёй гэтай гісторыі», — напісала дзяўчына.
Пра шлюб Камісаранкі стала вядома з пастоў яго жонкі. 12 верасня яна апублікавала вясельныя фоты ў сваім інстаграме. Вяселле, меркавана, было ў Чарнагорыі.
Наколькі вядома, Юлія Шашкова родам з Такмака пад Запарожжам. У сеціве пасля навіны пра вяселле сталі абмяркоўваць, што дзяўчына — былая вэбкамшчыца (так называюць тых, хто за грошы раздзяваецца на камеру ці выконвае іншыя просьбы кліента). У адкрытым доступе можна адшукаць і фота дзяўчыны — па вялікіх татуіроўках можна зрабіць высновы, што на тых голых здымках яна.
Праз час Камісаранка агаломшыў прызнаннем:
«Я пра гэта нічога не ведаў, а калі я даведаўся і спытаў, мне ўсё роўна схлусілі. Так, я лічу, што мінулае ў чалавека можа быць якім заўгодна, але вы павінны пра гэта адкрыта сказаць партнёру, а не хаваць гэта і не адмаўляць гэта да моманту, калі гэта ўсё ўскрыецца».