Sud pryznaŭ Trampa vinavatym u machlarstvie
Raniej 45-ha prezidenta ZŠA abvinavacili ŭ šturmie Kapitolija, nienaležnym zachoŭvańni sakretnych dakumientaŭ i vypłacie pornaaktrysie $130 tysiač za maŭčańnie pra seksualnuju suviaź ź joj.
27.09.2023 / 08:47
Fulton County Sheriff's Office via AP
Sud pryznaŭ Trampa vinavatym u machlarstvie, paviedamlaje Reuters.
Pavodle infarmacyi ahienctva, sudździa Ńju-Jorka Artur Enhoran pastanaviŭ, što Tramp i Trump Organization niasuć adkaznaść za machlarstva.
Adnak sud admoviŭsia adchilić pazoŭ hienieralnaj prakurorki štata Letycyi Džejms, jakaja abvinavačvaje byłoha prezidenta ŭ niezakonnym zavyšeńni jaho aktyvaŭ i čystaj majomaści.
Raniej Trampa abvinavacili ŭ šturmie Kapitolija, nienaležnym zachoŭvańni sakretnych dakumientaŭ i vypłacie pornaaktrysie $130 tysiač za maŭčańnie pra seksualnuju suviaź ź joj.
Tolki sioleta Trampu vystavili čatyry abvinavačańni. Siarod ich — sprava ab šturmie Kapitolija ŭ studzieni 2021 hoda, sproba admianić vyniki vybaraŭ 2020-ha, a taksama ab nienaležnym zachoŭvańni sakretnych dakumientaŭ.
U kancy žniŭnia Tramp pryjechaŭ u štat Džordžyja, dzie prajšoŭ farmalnuju praceduru aryštu.
Aryšt znoŭ doŭžyŭsia 20 chvilin, paśla čaho były prezident ZŠA byŭ adpuščany. Tym nie mienš Trampa vyrašyli sfatahrafavać dla palicejskaha daśje. Jon staŭ pieršym u historyi prezidentam ZŠA z takim fota. Kali 45-y prezident uciače, mienavita hetaje fota budzie razasłana va ŭsie adździaleńni palicyi.
Tramp zajaviŭ, što budzie brać udzieł u nastupnych vybarach, jakija projduć u listapadzie 2024 hoda. Kali jon pieramoža, heta budzie druhi vypadak u historyi ZŠA, kali prezidentam krainy staŭ čałaviek, jaki kiravaŭ ź pierapynkam. Pieršy raz takoje zdoleŭ zrabić Hrovier Kliŭlend, jaki byŭ prezidentam u 1885—1889 i 1893—1897 hadach.
Čytajcie taksama:
Kandydat u prezidenty ZŠA Ramasvami bolš nie budzie vykonvać rep Eminiema. Zabaraniŭ sam aŭtar
U Džordžyi Trampa sfatahrafavali dla palicejskaha daśje
Donald Tramp pravioŭ biesprecedentny zbor srodkaŭ na prodažy mierču sa svaim turemnym fota