Chłopiec z Homiela vydaliŭ akaŭnt amal try hady tamu. Ale jaho vyličyli i zatrymali — voś jak heta adbyłosia
Ciapier jon za kratami, a hubazikaŭcy kažuć, što suprać jaho zaviedzienaja kryminalnaja sprava.
26.09.2023 / 11:32
Na fota — Pavieł Saucin
Zatrymany — 31-hadovy hamialčuk Pavieł Saucin.
Zachaplaŭsia jon kampjutarnymi hulniami i šmat hulaŭ. Taksama pisaŭ kamientary na roznych forumach pra hulni.
U 2020-m chłopiec padtrymaŭ ruch za svabodnyja vybary. Taksama jon pakinuŭ paru dziasiatkaŭ kamientaroŭ u roznych telehram-čatach. A na samym pačatku 2021-ha — vydaliŭ svoj telehram. Kala tydnia tamu jaho zatrymali.
Jak jaho mahli adšukać? Pa niknejmie ŭ telehramie, jaki zachoŭvajecca ŭ bazach MUS navat paśla vydaleńnia akaŭnta. Pavieł mieŭ taki ž niknejm va ŭsich sacsietkach.
Historyja niknejmaŭ mužčyny — da 21 lutaha 2021-ha akaŭnt byŭ vydaleny
Hety niknejm vyhladaje jak unikalny, to-bok taki, jakim karystajecca ŭsiaho adzin čałaviek. I choć Pavieł nidzie nie publikavaŭ svajho fota publična, kali prosta jaho «pahuhlić», to možna znajści dastatkova infarmacyi pra jaho — imia i proźvišča (pa e-mail, uziatym sa źlitaj bazy), datu naradžeńnia (z akaŭnta «Kinapoiska») i navat adras žycharstva. Da taho ž novy akaŭnt jon nazvaŭ vizualna padobnym imiem karystalnika. Hetych źviestak bolš čym dastatkova, kab adšukać kankretnaha čałavieka.
Skrynšoty z akaŭntaŭ i infarmacyi sa źlitych bazaŭ pra Paŭła Saucina
Viadoma, što 19 vieraśnia nad im adbyŭsia sud pa administracyjnaj spravie za «raspaŭsiud ekstremizmu» — časam pa administraciŭkach sudziać spačatku tych, pad kaho jašče nie hatovaja «kryminałka». HUBAZiK śćviardžaje, što kryminalnuju spravu suprać jaho ŭsio ž zaviaduć, a chłopiec «pajedzie» ŭ SIZA.
Kab abaranicca, Pavieł moh by pasprabavać vydalić ci pieranazvać usie svaje staryja akaŭnty inšym niknejmam, a novy nazyvać słovam, zusim nie źviazanym ź im. Tut my tłumačyli, jak zrabić akaŭnt sapraŭdy ananimnym.
Čytajcie taksama:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć