Nadrukavali adryŭny kalandar «Naš kraj» na 2024 hod
U vydaviectvie «Biełaruś» vyjšaŭ z druku biełaruskamoŭny adryŭny kalandar «Naš kraj» na 2024 hod. U kalendary vydaŭcy prapanujuć adpravicca ŭ padarožža pa biełaruskim krai. Tut nadrukavana šmat cikavaha pra Biełaruś, jaje historyju, kulturu, pryrodu.
13.09.2023 / 16:21
Kalandar dapamoža prasačyć jubilejnyja daty viadomych suajčyńnikaŭ — jubilaraŭ 2024 hoda: vučonych, piśmieńnikaŭ, akcioraŭ, mastakoŭ, architektaraŭ, jakija žyli ŭ roznyja časy i ŭsłaŭlali naš kraj.
Siarod jubilaraŭ u nastupnym hodzie — Vasil Bykaŭ (100 hadoŭ), Jeŭfrasińnia Połackaja (920 hadoŭ), Adam Hurynovič (155 hadoŭ), Mikoła Chviedarovič (120 hadoŭ), Alaksandr Jelski (190 hadoŭ) i inšyja.
Značnaje miesca ŭ vydańni adviedziena tradycyjnym abradam i zvyčajam. Nie zastalisia pa-za ŭvahaj i pradstaŭniki fłory dy faŭny z Čyrvonaj knihi Respubliki Biełaruś.
Drukujucca ŭ kalendary taksama parady psichołahaŭ, piedahohaŭ, sadavodaŭ i aharodnikaŭ. Jość taksama recepty pryhatavańnia straŭ nacyjanalnaj i suśvietnaj kuchni.
Źmieščanyja ŭ «Našym krai» vieršy Janki Kupały, Jakuba Kołasa, Maksima Bahdanoviča, Michasia Čarota, Pietrusia Broŭki i inšych biełaruskich paetaŭ.
Kalandar nadrukavany nakładam 4 tysiačy asobnikaŭ.
Čytajcie taksama:
U Danii vyjšła antałohija biełaruskaj litaratury
Vyjšła kniha vieršaŭ Andreja Chadanoviča ź pierakładami na litoŭskuju movu