Siońnia — Suśvietny dzień rudoha kata
Z-za svajoj asablivaj jarkaj źniešnaści rudyja katy stali ŭlubioncami mnohich siemjaŭ.
01.09.2023 / 07:59
Kožny hod 1 vieraśnia ŭ śviecie adznačajuć Dzień rudych katoŭ. Z-za svajoj asablivaj jarkaj źniešnaści rudyja katy stali ŭlubioncami mnohich siemjaŭ.
Katy-varkoty koleru apielsina — častyja spadarožniki hierojaŭ knih abo filmaŭ. Da taho ž afarboŭka rudych katoŭ najbolš raspaŭsiudžanaja ŭ mastactvie.
Cikavyja fakty ab rudych katach
Rudyja katy i koški nie asacyjujucca ni z adnoj kankretnaj parodaj. Takaja afarboŭka prymalnaja praktyčna dla ŭsich parod. Zrešty, pavodle apisańnia ŭzoru na poŭści, usie rudyja katy i kotki — pradstaŭniki tabi, ci, paprostu kažučy, «pałasaciki». Niama takoha kata z adnatonnaj poŭściu, na joj zaŭsiody bačnyja pałoski, piša pets.24tv.ua.
Rudyja katy majuć bahatuju palitru koleraŭ: adny ciomna-rudyja, druhija bolš kremavaha koleru abo aranžavyja. Heta tłumačycca śpiecyfičnym pihmientam, jaki nazyvajecca fieamiełanin. Heta toj samy pihmient, jaki robić rudymi vałasy ŭ ludziej.
Takija katy dosyć padobnyja da ludziej: u kacianiat časta źjaŭlajucca viasnuški na nosie, a časam i na rocie.
Viadomyja rudyja katy
Fota: sajt film.com
Pieršaje, što prychodzić u hałavu, — heta, viadoma ž, rudy kot Harfiłd z adnajmiennaha multfilma. Jon lanivy, nienavidzić paniadziełak, pje kavu, lubić lažać i zmahajecca suprać sabaki-sužyciela Adzi. Mienavita dziakujučy hetamu piersanažu rudyja katy časta atrymlivajuć imia Harfiłd.
Rudyja katy ŭ filmach:
- Apielsin sa «Śniadanku ŭ Cifani»;
- Džons z «Inšapłaniecianina»;
- Kot u botach sa «Šreka-2»;
- Siastra Katnis mieła aranžavaje kaciania ŭ «Hałodnych hulniach»;
- Kot Hiermijony Hrendžer — Krukšenks (Kasałapsus, jon ža Žyvahłot) z «Hary Potera».
Takim čynam, kali ŭ vas jość rudy kot, abaviazkova pačastujcie jaho čym-niebudź smačnieńkim. A kali niama — heta vydatnaja mahčymaść jaho zavieści i atrymać viernaha i śmiešnaha rudoha siabra.
Čytajcie taksama:
Žančyna vypuściła klučy ŭ dzirku, ale joj pryjšoŭ na dapamohu badziažny kot
Kot pabiŭ suśvietny rekord pa skačkach praz skakałku siarod katoŭ
U Biełarusi možna zastrachavać chatniaha hadavanca. Trenirujemsia na kotcy
Sara Džesika Parkier zabrała sa zdymačnaj placoŭki miłaje kaciania