ZŠA zakupiać dla Ukrainy rakiety AMRAAM. Što pra ich viadoma
Uchilicca ad hetaj rakiety niemahčyma, tamu što jana maje kiravalnaść na ŭsich učastkach trajektoryi.
01.09.2023 / 07:11
Fota: Worlddefencenews.com
Ministerstva abarony ZŠA zaklučyła kantrakt z kampanijaj Raytheon Missiles and Defense na zakupku dla Ukrainy rakiet kłasa «pavietra — pavietra» siaredniaj dalokaści (AMRAAM). Suma kantrakta składaje 192 miljony dalaraŭ, piša UNIAN.
«Hety kantrakt praduhledžvaje zakupku Raytheon bajavoj zbroi AMRAAM z roznych krynic. Pracy buduć vykonvacca ŭ Tusanie, štat Aryzona i, jak čakajecca, buduć zavieršanyja da 29 listapada 2024 hoda», — havorycca ŭ paviedamleńni Pientahona.
Jak adznačajecca, srodki na hety kantrakt vydzialajucca z fondu inicyjatyvy sadziejničańnia biaśpiecy va Ukrainie.
Amierykanskija rakiety AMRAAM — što viadoma
AMRAAM — amierykanskaja avijacyjnaja kiravanaja rakieta z aktyŭnaj radyjołakacyjnaj hałoŭkaj samanaviadzieńnia. Maksimalnaja dalokaść pusku rakiety składaje ad 50 da 180 kiłamietraŭ.
Raniej paviedamlałasia, što ZŠA zamovili rakiety AMRAAM roznych madyfikacyj kolkaściu ad paŭtary da troch tysiač štuk dla 15 krain i častku ich pieradaduć Ukrainie.
Jak adznačali ekśpierty, uchilicca ad hetaj rakiety niemahčyma, tamu što jana maje kiravalnaść na ŭsich učastkach trajektoryi. Dalokaść palotu hetaj rakiety moža składać da 180 kiłamietraŭ.
Čytajcie taksama:
Apublikavana VIDEA zapusku novaj ukrainskaj rakiety
Stołtenbierh: Ukraincy ŭžo pieraŭzychodzili čakańni, treba im daviarać