U Minsku za abrazu Łukašenki asudzili kiroŭcu
U sudzie Savieckaha rajona byŭ vyniesieny prysud kiroŭcu staličnaha transpartnaha pradpryjemstva Alaksandru Lipskamu. Jaho abvinavacili ŭ abrazie Alaksandra Łukašenki pavodle č. 1 art. 368 Kryminalnaha kodeksa. Spravu razhladała sudździa Volha Jemieljančanka, piša «Viasna».
29.08.2023 / 09:06
Sud Savieckaha rajona Minska. Fota: «Viasna»
Paviedamlajecca, što Lipski letaś u adnym z telehram-kanałaŭ źmiaściŭ kamientar, jaki źmiaščaŭ niehatyŭnuju acenku Łukašenki, «vyjaŭlenuju ŭ nienarmatyŭnaj formie maŭlenčaha vykazvańnia».
Mužčynu zatrymali da suda.
Linhvistyčnaja ekśpiertyza pryznała apublikavanuju infarmacyju abrazaj.
Prysud — dva hady chatniaj chimii i kanfiskacyja telefona.
Čytajcie taksama: