У амерыканскіх школах забаранілі некаторыя кнігі па парадзе ChatGPT
У штаце Аёва па парадзе ChatGPT са школьных бібліятэк прыбяруць 19 кніг, якія нібыта ўтрымліваюць «апісанне палавога акту».
19.08.2023 / 21:40
У штаце Аёва са школьных бібліятэк прыбяруць 19 кніг, якія нібыта ўтрымліваюць «апісанне палавога акту». Гэта звязана з набыццём моцы новага закона ў штаце. Сярод забароненых аказаліся кнігі «Лавец паветраных змеяў» Халеда Хасэйні, «Апавяданне служанкі» Маргарэт Этвуд і «Я ведаю, чаму птушка ў клетцы спявае» Маі Энджэлаў. Але адметна іншае: прыбраць менавіта гэтыя кнігі параіў ChatGPT.
Рэч у тым, што праверыць усю калекцыю кніг у бібліятэках да пачатку навучальнага года чыноўнікі палічылі нерэальным. Таму яны ўводзілі назвы кніг ў чат-бот і пыталі ў нейрасеткі, ці сустракаюцца ў тэксце інтымныя сцэны.
Але надзейнасць такога метаду пад пытаннем. Журналісты папрасілі ChatGPT зноў праверыць «забароненыя» 19 кніг. Чат-бот адказаў, што некаторыя з тых кніг усё ж не ўтрымліваюць інтымнага кантэксту.
Зрэшты, чыноўнікі абяцалі пераглядзець сваё рашэнне, калі будуць паступаць скаргі.
Чытайце таксама:
Мабільная праграма ChatGPT цяпер даступная для Android
ChatGPT дапісаў «Гульню тронаў», чаго сам аўтар не змог зрабіць за 12 гадоў
ChatGPT значна атупеў. Меркавана, з-за размоў з людзьмі — даследаванне
Штучны інтэлект едзе з глузду пасля навучання на даных, якія згенераваў сам