Na borcie adnaho z samalotaŭ «Biełavija» adbyłasia razhiermietyzacyja
Zdareńnie adbyłosia 18 žniŭnia ŭ 17:27 pa minskim časie. Samalot «Biełavija» lacieŭ ź Jekaciarynburha ŭ Minsk, kali na jaho borcie adbyłasia razhiermietyzacyja, paviedamlaje servis manitorynhu avijaincydentaŭ Aviaincident.
19.08.2023 / 16:08
Zdymak ilustracyjny. Fota: Andreas Arnold/picture alliance via Getty Images
Samalot V-737-300, reh/EW-366PA, vylecieŭ ź Jekaciarynburha ŭ 10:07 pa minskim časie. Pra razhiermietyzacyju jaho kapitan paviedamiŭ u 14:27.
«Padčas vykanańnia palotu pa maršrucie, u rajonie navihacyjnaha punkta RATIN, na ešałonie FL360, kapitan pavietranaha sudna dałažyŭ ab razhiermietyzacyi, zapytaŭ avaryjnaje źnižeńnie, pryniaŭ rašeńnie lacieć na aeradrom pryznačeńnia Minsk. Dapamoha pa prybyćci nie patrabujecca», — havorycca ŭ paviedamleńni Aviaincident.
U 17:56 bort paśpiachova pryziamliŭsia ŭ Minsku. U aeraporcie samalot sustrakali avaryjnyja słužby i mašyny «chutkaj dapamohi», paviedamiła paśla Zerkalo.io sa spasyłkaj na čytačoŭ.
Čytajcie taksama:
«Biełavija» pradała adzin sa svaich «Boinhaŭ»
Z «Biełavija» razryvaje supracoŭnictva nacyjanalnaja avijakampanija AAE
Samalot pryziamliŭsia ŭ Viciebsku praź dzicia, jakomu stała błaha