Кіраўнік World Athletics: Наўрад ці беларускія і расійскія лёгкаатлеты трапяць на Алімпіяду ў Парыжы
«Рада прыняла выразную пазіцыю, я буду вельмі здзіўлены, калі яна зменіцца», — сказаў Себасцьян Коў.
17.08.2023 / 16:23
Фота: Michel Euler / AP Photo
Прэзідэнт Міжнароднай лёгкаатлетычнай федэрацыі (World Athletics) Себасцян Коў заявіў, што сумняваецца ва ўдзеле расійскіх і беларускіх лёгкаатлетаў у Алімпійскіх гульнях — 2024 у Парыжы (Францыя).
«Наўрад ці расійскія і беларускія лёгкаатлеты трапяць на Алімпіяду. Рада прыняла выразную пазіцыю, я буду вельмі здзіўлены, калі яна зменіцца. Мы зрабілі гэта для цэласнасці спаборніцтваў. Вядома, мы будзем маніторыць сітуацыю, у нас ёсць рабочая група. Вельмі непадобна, што сітуацыя зменіцца, з улікам таго, што адбываецца ва Украіне», — сказаў Коў журналістам на прэс-канферэнцыі пасля перавыбрання.
Сёння World Athletics абвясціла пра пераабранне Себасцьяна КАВ на пасаду прэзідэнта арганізацыі. Выбары кіраўніка арганізацыі прайшлі на 54-м Сусветным лёгкаатлетычным кангрэсе.
Чытайце таксама:
Рашэнне аб удзеле беларусаў у Алімпіядзе-2024 не будзе прынята восенню — МАК
Крысціне Ціманоўскай дазволілі выступаць за Польшчу
Беларускіх спартоўцаў могуць не пусціць на Паралімпіяду-2024