HUBAZiK raskazaŭ, što žančyna, jakaja admoviłasia davać intervju Azaronku, ciapier za kratami
Natalla Kruk niadaŭna viarnułasia z Polščy. Prapahandyst Ryhor Azaronak u pačatku tydnia vykłaŭ videa, na jakim žančyna nie stała ź im razmaŭlać.
13.08.2023 / 12:06
Natalla Kruk. Fota: jaje staronka «Ukantakcie»
Zatrymanaj Natalli Kruk 38 hadoŭ. U Minsku jana była staršynioj tavarystva ŭłaśnikaŭ doma.
Paśla 2020-ha Natalla vyjechała ŭ Polšču i sprabavała stvaryć ułasny biznes u śfiery pryhažości. Ale niešta pajšło nie tak, u videa HUBAZiKa Natalija raspaviadaje, što jaje padmanuŭ partnior pa biznesie i sprava prahareła. Paśla hetaha jana vyrašyła viarnucca ŭ Biełaruś, dzie jaje zatrymali.
U videa siłavikoŭ pakazany pratesnyja kamientary ŭ telehramie, jakija, mierkavana, pakidała žančyna.
Jaje telehram-akaŭnt pryviazany da ŭłasnaha biełaruskaha numara, tamu jaje mahli adšukać pa kamientarach.
Miarkujučy z usiaho, ciapier jana za kratami — žančynu pakazvajuć u kletcy. HUBAZiK śćviardžaje, što «siadzieć joj jašče doŭha».
Čytajcie taksama:
Jak vydalić akaŭnt u Telegram i stvaryć jaho nanova na virtualny numar — pakrokavy hajd
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć